काठमाडौं – कम्युनिस्ट प्रधानमन्त्री केपी शर्मा ओलीले माधवकुमार नेपालको हैसियत नेकपाका अर्का पक्षका अध्यक्ष पुष्पकमल दाहाल ‘प्रचण्ड’को मामुली कार्यकर्ता जस्तो मात्रै भएको दाबी गरेका छन् ।

राजधानी काठमाडौंमा आयोजित सुदूरपश्चिम प्रदेशका आफूनिकट नेकपाका नेता कार्यकर्ताको भेलामा सम्बोधन गर्दै ओलीले दाहालले अध्यादेश फिर्ता गर्दा कपटपूर्ण तरिकाले आग्रह गरेको आरोप लगाए ।

अविश्वासको प्रस्ताव दर्ता गर्न ठीक्क पारेर अध्यादेश फिर्ता गर्न प्रचण्डले आग्रह गरेको ओलीले बताए । प्रचण्डले युद्धका पीडितलाई बिर्सिएको भन्दै ओलीले लोकेन्द्र विष्टको उदाहरण समेत पेश गरेका छन् ।

‘प्रचण्डले वास्ता नगर्दा लोकेन्द्र विष्ट खेती गरेर बस्नुपरेको छ,’ ओलीले भने । ओलीले प्रचण्ड–नेपालले पटक–पटक आफूलाई मरोस् भनी कामना गरेको आरोप पनि लगाएका छन् ।

ओलीले आफू मरेपनि प्रचण्ड–नेपालको सपना पूरा हुन नदिने बताएका छन् । ‘म मर्छु तर उहाँहरूको आकांक्षा पूरा हुन दिन्न । चुनाव हुँदैन भन्नुहुन्छ तर अबको चुनावमा पत्तासाफ हुनुहुन्छ । अब चुनावको तयारी गर्नुस्,’ उनले भने ।

ओलीले प्रचण्ड–नेपाल पक्षलाई पनि चुनावको तयारीमा लाग्न सुझाव दिए । ‘चुनावको तयारीमा लाग्नुहोस्, माइतीघरको चिसो भूइँमा बसेर रमिता नदेखाउनुहोस्,’ ओलीले सुझाव दिए ।

पार्टीलाई एकढिक्का राख्न अनेकौं त्याग गर्दा पनि अर्को पक्षले जालझेल मात्र गरेर पार्टीलाई फुटसम्मको अवस्थामा ल्याएको ओलीको आरोप छ । ‘मैले शान्ति, स्थायित्व, संविधान र स्थिरताका लागि एकता गरेको थिएँ । एकतालाई जोगाउन मैले प्रचण्डसँग पटक–पटक सहमति गरें । प्रचण्डसँग सहमति गर्दा मेरो एउटा ब्रिफकेस नै भरिएको छ । तर उहाँले सहमति कार्यान्वयन गर्नुभएन,’ उनले भने ।

ओलीले एकता गर्नका लागि पूर्व माओवादी पक्षलाई ४० प्रतिशत हिस्सा दिएको स्मरण गर्दै अहिले सोही प्रतिशतलाई बहुमतको खेलमा प्रयोग भएकोमा दुःख व्यक्त गरे । ‘पार्टी एकता गर्दा एमालेमा माधव नेपाल गुट थियो, त्यसमा प्रचण्ड गुट पनि थपिन्छ भन्ने मलाई थाहा थियो । तर एकताका लागि मैले ४० प्रतिशत दिएँ । तर उहाँले त्यो शक्ति बहुमतको खेलमा लगेर केन्द्रित गर्नुभयो, जसले गर्दा पार्टी यो स्थितिमा पुग्यो,’ ओलीले भने, ‘मैले मित्रताले अँगालो हालें, उहाँले ध्रीतराष्ट्रले जसरी हाल्नुभयो । शुरूदेखि उहाँको ध्यान पार्टी कब्जा गर्ने र हत्याउनेमा नै रहेछ ।’

आफूले पटक–पटक सम्झाउने प्रयास गरे पनि प्रचण्डले जालझेल र तिकडम गरिराखेको उनको आरोप छ । ‘३ वर्षमा मेरो धेरे साबुन, स्याम्पु र ट्यांकरको पानी सकियो । उहाँहरू सुध्रिनुभएन,’ ओलीले भने ।

ओलीले संसद पुनःस्थापनाको सम्भावना नरहेको जिकिर गरे । प्रचण्ड–नेपालले पक्षले आफूसँग बहुमत भएको दाबी गरे पनि उनीहरूको बहुमत नभएको ओलीको भनाइ थियो ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

प्रधानमन्त्री बन्न वामदेव गौतमले निकाले अर्काे नयाँ ‘आइडिया’ !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

नेकपा फुट्नै लागेको हो ? किसुनजीलाई सम्झिँदै नारायणकाजीले गरे भावुक खुलासा