काठमाडौं - हठात रूपमा प्रतिनिधिसभा विघटन गरेर प्रधानमन्त्री केपी ओलीले निधारमा कलंकको टीका मात्र लगाएका छैनन् ।

आफूलाई सुरुदेखि अहिलेसम्म साथ दिँदै आएका सुवासचन्द्र नेम्वाङ र प्रदीप ज्ञवालीको मनसमेत ओलीले तोडेका छन् ।

नेकपामा नेम्वाङ र ज्ञवालीलाई निकै मिजासिलो र भद्र नेताका रूपमा चिनिन्छ । उनीहरू सकभर अरुलाई बिझाउने अभिव्यक्ति दिँदैनन् । तर, आफूले निकै आश गरेका नेताबाटै असंवैधानिक कदम चालिएपछि संविधानसभाका अध्यक्षसमेत रहेका नेम्वाङ मौन बसेका छन् । परराष्ट्रमन्त्री ज्ञवालीले त अघिल्लोपटकको मन्त्रिपरिषद् बैठकमै संसद् विघटन गर्ने प्रधानमन्त्री ओलीको निर्णयको प्रतिवाद गरेका थिए ।

ओलीकै निर्णय र कार्यशैलीले नेकपा आजदेखि दुई चिरा हुँदैछ । एकले अर्को पक्षलाई कारबाहीको तयारी गरेका छन् । तीन वर्षअघि नेपालमा ५० वर्षसम्म कम्युनिस्टले शासन गर्छ भन्ने नेताहरूको बोली सुकेको छ । अब कम्युनिस्टलाई बहुमत फाप्दैन भन्ने सन्देश जनतासमक्ष गएको छ ।

त्यसैले अबको निर्वाचनमा कसरी जनतासँग मत माग्ने भन्ने अवस्था नेम्वाङ, ज्ञवाली मात्र होइन, धेरै नेतालाई अप्ठेरो भएको छ । सोही कारण पनि ज्ञवाली र नेम्वाङले अहिलेसम्म औपचारिक रूपमा प्रधानमन्त्री ओलीको कदमबारे बाहिर बोलेका छैनन् । पार्टी विवादमा पनि मौन बसेका छन् । तर, ओलीले आफ्ना दुई खम्बालाई भने नैतिक रूपमा गुमाएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

प्रधानमन्त्री बन्न वामदेव गौतमले निकाले अर्काे नयाँ ‘आइडिया’ !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

नेकपा फुट्नै लागेको हो ? किसुनजीलाई सम्झिँदै नारायणकाजीले गरे भावुक खुलासा