काठमाडौं – सत्तारुढ नेपाल कम्युनिस्ट पार्टी (नेकपा) भित्र देखिएको संकटलाई पार लगाउँदै आफू सुरक्षित हुन प्रधानमन्त्री केपी शर्मा ओलीले अनेक उपाय निकालिरहेका छन् ।

बुधबारको स्थायी कमिटी बैठकमा ओलीले उपाध्यक्ष बामदेव गौतमलाई भावी प्रधानमन्त्रीको रूपमा संकेत गरेको चर्चा सेलाउन नपाउँदै अर्काे अफरको चर्चा नेकपाभित्र चलेको छ ।

ओलीले प्रधानमन्त्री र पार्टी अध्यक्ष दुबै पद सुरक्षित राख्न नसक्ने अवस्थामा उपाध्यक्ष बामदेव गौतमलाई पार्टी अध्यक्ष बनाएर संकटको समाधान दिने योजना बनाएको चर्चा नेकपाभित्र चलेको छ । यसरी अध्यक्षमा गौतमलाई अगाडि सार्दा अर्का अध्यक्ष पुष्पकमल दाहाल ‘प्रचण्ड’को नेतृत्वमा रहेको गठबन्धन कमजोर हुने निष्कर्ष समेत ओलीको छ ।

गौतमलाई उपाध्यक्षबाट अध्यक्ष बनाउन दोस्रो तहका नेताहरू सक्रिय बन्न थालेका नेकपा स्रोतले जनाएको छ । ओलीले दोस्रो तहका नेताहरूमार्फत गौतमलाई पार्टी अध्यक्ष बन्न प्रस्ताव गरेको र अध्यक्ष बनेर समस्याको समाधान ननिस्कनेमा गौतम अडिग रहेको उनी निकट नेताहरू बताउँछन् ।

अध्यक्षको अफर ल्याएर आउने ओली पक्षीय नेताहरूलाई गौतमले आफूलाई प्रचण्ड र वरिष्ठ नेता माधवकुमार नेपालको समेत समर्थन हुनुपर्ने तर्क गर्ने गरेका छन् । तर ओली पक्षीय नेताहरूले भने प्रचण्ड र नेपाललाई मनाउने जिम्मा गौतममाथि नै छाडेका छन् ।

नेकपा सचिवालयमा रहेका ९ जनामध्ये गौतमसहित ५ जना प्रचण्डतिर र ४ जना ओलीतिर रहेका छन् । गौतमलाई अध्यक्ष बनाएर आफूतिर तान्न सके आफू सचिवालयमा बहुमतमा पुग्ने ओलीको निष्कर्र्ष रहेको नेताहरू बताउँछन् । यसअघि समेत ओलीले गौतमलाई विभिन्न अफर दिँदै लोभ्याउँदै आएका थिए ।

प्रधानमन्त्री ओलीले आफूले पद छाड्नैपर्ने बेला माधव नेपाललाई अध्यक्ष वा प्रचण्डलाई प्रधानमन्त्री बनाउनुभन्दा आफू प्रधानमन्त्री रहिरहने र गौतमलाई अध्यक्ष बनाउने विकल्प रोज्ने गौतम पक्षीय नेताहरूको विश्वास छ । तर गौतमले पार्टी बैठकमा प्रचण्ड, नेपाल, झलनाथ खनाल लगायत नेताहरू सहमत भए मात्रै आफू अध्यक्ष हुने अडानमा रहेका छन् । 

नेकपामा विवाद चर्किएका बेला शनिबार खुमलटारमा भएको अध्यक्षद्वय ओली–प्रचण्ड बीचको भेटवार्तामा उपाध्यक्ष गौतम समेत सहभागी थिए । विवाद बढेका बेला गौतमले मध्यस्थताको भूमिका समेत निर्वाह गर्दै आएका छन् । तर ओलीले अफर दिएर धोका दिने गरेका कारण गौतमले पत्याइहाल्ने अवस्था भने नरहेको गौतम पक्षीय नेताहरू बताउँछन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

प्रधानमन्त्री बन्न वामदेव गौतमले निकाले अर्काे नयाँ ‘आइडिया’ !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

नेकपा फुट्नै लागेको हो ? किसुनजीलाई सम्झिँदै नारायणकाजीले गरे भावुक खुलासा