काठमाडौं – पछिल्लो समय सत्तारुढ नेपाल कम्युनिष्ट पार्टी (नेकपा) मा प्रधानमन्त्री केपी शर्मा ओलीलाई एकपछि अर्काे निर्णयबाट पछि हट्न बाध्य पार्ने गरी अर्का अध्यक्ष पुष्पकमल दाहाल ‘प्रचण्ड’को गुट बलियो बनेको छ ।

प्रचण्डलाई वरिष्ठ नेता झलनाथ खनाल, माधवकुमार नेपाल, उपाध्यक्ष बामदेव गौतम, प्रवक्ता नारायणकाजी श्रेष्ठ लगायतले साथ दिएका छन् ।

तर यी सबै नेताहरू ओलीविरुद्ध एकजुट हुनुको रहस्य के हो ? यसबारे आज शुक्रबार नेता माधवकुमार नेपालले खुलासा गरेका छन् ।

शुक्रबार काठमाडौंको पेरिसडाडाँमा आयोजित १ नम्बर प्रदेशका आफू निकट नेताको भेलामा नेता नेपालले ओलीको प्रवृत्ति नै अरुलाई धोका दिने र अपमान गर्ने रहेकाले सबै एकजुट हुनुपरेको बताए । ‘ओलीको बोलीको विश्वास नै हुँदैन,’ उनले भने ।

प्रधानमन्त्री भएपछि ओलीले शुरूमा आफूलाई अपमान गर्ने काम गरेको र पछि  प्रचण्डलाई पनि त्यसै गरेको नेपालले बताए । ‘पार्टीका पूर्व प्रमुख र पूर्व प्रधानमन्त्री भइसकेका नेताहरूलाई धोका दिने, अपमान गर्ने प्रवृत्ति अझै पनि रोकिएको छैन । सहमति गरेर उठ्यो, भोलिपल्टै होइन भन्नु नै केपी ओलीको योग्यता बनेको छ,’ नेपालले खुलासा गरे ।

सबै नेताहरूलाई पालैपालो धोका दिने, झूटा आश्वासन दिने भएकैले पार्टीभित्र नयाँ समीकरण बनेको रहस्य उनले खुलाए । ‘अहिले कस्तो अवस्था बन्यो भने धोका पाउने र अपमानित हुनेहरू एक भएको जस्तो देखिएको छ,’ नेपालले भने ।

पार्टीलाई कुनै पनि हालतमा विभाजन हुन नदिने नेता नेपालले प्रस्ट पारे । ‘त्यसका लागि हामी माथि लड्छौं । तपाईंहरू तल लड्नुहोला,’ नेपालले आग्रह गरे । अहिले पूर्व एमाले र पूर्व माओवादी भन्ने कुरा उठाएर विभाजन गर्ने नियत देखिएकाले यसविरुद्ध लाग्न पनि नेता नेपालले आग्रह गरे ।

नेकपाभित्रको आन्तरिक कलह चर्किंदै जाँदा ओली र प्रचण्ड दुवै पक्षको गुट भेला बढेको छ । शुक्रवार पेरिसडाडाँमा प्रचण्ड र नेपाल पक्षका १ नम्बर प्रदेशका जिल्ला अध्यक्ष, सचिव र राजधानी उपत्यकामा उपलब्ध केन्द्रीय सदस्यको भेला गरिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

प्रधानमन्त्री बन्न वामदेव गौतमले निकाले अर्काे नयाँ ‘आइडिया’ !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

नेकपा फुट्नै लागेको हो ? किसुनजीलाई सम्झिँदै नारायणकाजीले गरे भावुक खुलासा