भीम रावलसहित नेकपा सांसदहरू निवेदन बोकेर शितलनिवासमा, बालुवाटारमा खैलाबैला
भीम रावलसहित नेकपा सांसदहरू निवेदन बोकेर शितलनिवासमा, बालुवाटारमा खैलाबैला
काठमाडौं – कम्युनिस्ट प्रधानमन्त्री केपी शर्मा ओलीले अध्यादेशमार्फत देश चलाउन खोजेको आरोप लागिरहेका बेला सत्तारुढ नेकपाकै सांसदहरू सक्रिय भएका छन् ।
संघीय संसदको अधिवेशनको माग गर्दै नेकपा सांसदहरू निवेदन लिएर राष्ट्रपति विद्यादेवी भण्डारीको कार्यालय शीतलनिवास पुगेका छन् ।
नेकपामा ओलीइतर मानिने सांसद भीम रावल, पम्फा भुसाल सहितको टोली हस्ताक्षरसहित विशेष अधिवेशन माग गर्दै राष्ट्रपति कार्यालय पुगेको छ ।
राष्ट्रपति कार्यालयका सचिव हरि पौडेललाई घण्टौं कुर्दा पनि भेट्न नसकेका कारण नेताहरूले निवेदन कार्यालयमा बुझाउन पाएका छैनन् । पौडेलको मोबाइल नम्बर पनि ‘स्वीच अफ’ रहेको नेताहरू बताउँछन् ।
ओलीको इशारामा फटाफट अध्यादेश जारी गर्ने विद्या भण्डारीको कार्यालयमा प्रक्रिया अनुसार नेकपा सांसदले लगेर गएको निवेदन समेत दर्ता भएको छैन । मंगलबार राष्ट्रपति भण्डारीले संवैधानिक परिषद् सम्बन्धी अध्यादेश जारी गरेपछि विवाद चर्किएको छ ।
अध्यादेश जारीको विषयमा विवाद बढेको बेला नेकपाकै सांसदहरू शितलनिवास पुगेपछि बालुवाटारमा खैलाबैला मच्चिएको छ । अहिले बालुवाटारमा नेकपा स्थायी कमिटी बैठक चलिरहेको छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४