आजको विशेष
चौतर्फी राजीनामा दिनुपर्ने आवाज उठेपछि नारायणकाजी अप्ठेरोमा, बिहानै पुगे प्रचण्ड भेट्न
चौतर्फी राजीनामा दिनुपर्ने आवाज उठेपछि नारायणकाजी अप्ठेरोमा, बिहानै पुगे प्रचण्ड भेट्न
काठमाडौं - स्व. कमानसिंह लामाले मृत्युअघि आफ्नो घर बिगारेको र सेयरको पैसा खाइदिएको आरोप लगाएपछि नेकपा प्रवक्ता नारायणकाजी श्रेष्ठ अप्ठेरोमा परेका छन् ।
सामाजिक सञ्जालमा मात्र होइन, पार्टीभित्रै पनि उनले राजीनामा दिनुपर्ने आवाज उठेको छ । अपारदर्शी आर्थिक चलखेलको आरोप लागेलगत्तै श्रेष्ठ शुक्रबार बिहान पार्टीका कार्यकारी अध्यक्ष पुष्पकमल दाहाल प्रचण्डलाई भेट्न खुमलटार पुगेका थिए ।
उनले राष्ट्रिय सभा सदस्य, पार्टी सचिवालय तथा प्रवक्ता पदबाट राजीनामा दिनुपर्ने माग उठेपछि प्रचण्ड भेट्न पुगेका हुन् । यसै विषयमा कुराकानी गर्न श्रेष्ठले बिहीबार राति नै पूर्वजनमोर्चाका नेता कार्यकर्ताहरुको भेला आफ्नो निवासमा बोलाएका थिए ।
भेलामा नारायणकाजीले आफूलाई डुबाउन प्रधानमन्त्री केपी ओली र गृहमन्त्री रामबहादुर थापा बादल लागिपरेको बताएका थिए । बादलले आफूलाई मात्र नभएर पूर्वजनमोर्चाका कसैलाई बाँकी नराख्ने पनि नारायणकाजीको भनाइ थियो ।
नैतिकताको प्रश्न उठेपछि नेकपाका नेताहरु शेरबहादुर तामाङ, कृष्णबहादुर महरा र गोकुल बाँस्कोटाले पदबाट राजीनामा दिएका थिए । अहिले नारायणकाजी पनि नैतिकताको विषयले परिबन्दमा परेका छन् ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४