राजनीतिक विशेष
बादलसँग खुमलटार निराश, अब कित्ताकाटको निर्णय गर्दै
बादलसँग खुमलटार निराश, अब कित्ताकाटको निर्णय गर्दै
काठमाडौं - गृहमन्त्री रामबहादुर थापा बादलले हरेक मुद्दामा बालुवाटारलाई सहयोग गरेको निष्कर्ष निकाल्दै अब कित्ताकाट गर्नुपर्ने मत पूर्वमाओवादी पक्षमा बलियो बन्दै गएको छ ।
प्रधानमन्त्री केपी ओली गुटबाट आफ्नो भूमिका कटौती गरिइए पनि गृहमन्त्री बादलले कुनै प्रतिवाद नगर्नु र हरेक विषयमा सहयोग गर्नुलाई पूर्वमाओवादी पक्षका नेताले आश्चर्य मानेका छन् ।
गृह मन्त्रालयको सरुवा, बढुवा र दरबन्दीमा उपप्रधानमन्त्री ईश्वर पोखरेल हाबी भएका छन् । तर, यी सबैका बाबजुद पनि बादल चुपचाप छन् । त्यसैले नेकपाका कार्यकारी अध्यक्ष पुष्पकमल दाहाल प्रचण्डका नेताले अब बादलबाट कुनै आश नरहेको निष्कर्ष निकालेका छन् ।
बादल, देव गुरुङ, पम्फा भुसाल, हितमान शाक्य, कुलबहादुर केसीलगायतका नेता मोहन वैद्य किरणलाई छाडेर तत्कालीन एमाओवादीमा फर्केका थिए । त्यसपछि सबैभन्दा बढी अवसर प्रचण्डले बादललाई नै दिएका थिए ।
तर, नेकपा विवादमा बादलले प्रधानमन्त्री ओलीको साथ नछाडेपछि प्रचण्ड असन्तुष्ट भएका छन् । बादलसँगै आएका पम्फा भुसाल, देव गुरुङलगायतका नेताले प्रचण्डलाई साथ दिँदै अब बादललाई विश्वास गर्नुपर्ने अवस्था नरहेको भन्दै कित्ताकाट गर्न सुझाएका हुन् ।
बादलले अन्तिम समयमा आफूलाई सहयोग र साथ दिने प्रचण्डको आशा थियो । तर, गत शनिबारको सचिवालय बैठकमा उनले ओलीलाई सहयोग पुग्ने गरी कार्यदल गठन गर्न प्रस्ताव गरेका थिए । त्यसैले अब बादललाई बोक्न नहुने निष्कर्षमा खुमलटार पुगेको हो ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४