काठमाडौं - कम्युनिस्ट प्रधानमन्त्री केपी शर्मा ओली नेतृत्वको सरकारले बंगालदेशसँग सरकारीस्तर (जीटूजी) प्रक्रियाबाट ५० हजार मेट्रिक टन युरिया मल खरिद गर्न कृषि तथा पशुपन्छी विकास मन्त्रालयलाई सैद्धान्तिक स्वीकृति दिने निर्णय गरेको छ ।

मंसिर १७ गतेको मन्त्रिपरिषद्को पछिल्लो निर्णयपछि जीटूजीमार्फत ५० हजार मेट्रिक टन युरिया मल खरिद गर्न सहज हुने कृषि तथा पशुपन्छी विकास मन्त्रालयले जनाएको छ ।

मन्त्रिपरिषद् बैठकमा मल खरिदका लागि कृषिमन्त्री घनश्याम भुसालले लगेको प्रस्ताव स्वीकृत हुन सकेको थिएन । प्रधानमन्त्री केपी शर्मा ओलीले नचाहेका कारण स्वीकृत हुन नसकेको प्रस्ताव बल्ल स्वीकृत भएको हो । धानमा छर्न बंगलादेशबाट मल ल्याउने प्रतिबद्धता जाहेर गरेपनि कृषिमन्त्री भुसालले गहुँमा छर्न समेत मल ल्याउन सकेनन् ।

यसअघि गत कात्तिक २४ गतेको मन्त्रिपरिषद् बैठकले गरेको निर्णयबाट उब्जेको अन्योल अब भने हटेको मन्त्रालयका सहसचिव एवं प्रवक्ता डा.हरिबहादुर केसीले बताएका छन् ।

‘पहिलेको निर्णयमा प्रस्टता थिएन, अहिले स्पष्ट भएको छ, अब मल खरिद प्रक्रिया थाल्न सहज हुन्छ,’ उनले भने ।

मन्त्रिपरिषद्को निर्णयपछि अब कृषि सामाग्री कम्पनी लिमिटेडले बंगालदेशको सरकारी कम्पनीसँग मल खरिदका लागि मूल्य माग्ने काम हुने मन्त्रालयले जनाएको छ । मूल्यमा समझदारी भए ढुवानीका लागि यसअघि नै ठेक्का सम्झौता भइसकेको कम्पनीमार्फत मल आयात थालिने प्रवक्ता केसीले बताए ।

कात्तिक २४ गते बसेको मन्त्रिपरिषद् बैठकले ‘कृषि तथा पशुपन्छी विकास मन्त्रालयलाई जीटूजी प्रतिस्पर्धामार्फत मल ल्याउन निर्देशन दिने’ निर्णय गरेको छ । कात्तिक दोस्रो हप्ता मन्त्रालयले मन्त्रिपरिषदमा पेश गरेको प्रस्तावमा भने मल किन्ने समझदारीको स्वीकृति र अख्तियारी पारित गर्नुपर्ने उल्लेख छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रधानमन्त्रीले युरिया मल पैंचो माग्नुपरेपछि घनश्याममाथि ओली र बाबुरामको प्रहार

प्रचण्डका घरबेटीको बचाउ गर्दै कृषिमन्त्री भुसाल, मल अभावबारे दिए यस्तो अभिव्यक्ति

प्रचण्डका घरबेटीसामु कृषिमन्त्री भुसाल निरीह, कारबाही गर्ने दिन भदौ २० को मिति नाघ्यो

प्रचण्डका घरबेटीको दिन गन्ति सुरु, यस्तो छ भित्रि खेल !

अन्ततः प्रचण्डका घरबेटीमाथि भयो कारबाही !

प्रचण्डका घरबेटीको धरौटी जफत गर्दैमा कृषिमन्त्रीज्यू तपाईको नाक जोगियो त ?