कांग्रेस कार्यकर्ताको आक्रोश बढेपछि ओली सरकारविरुद्ध राँको बल्यो
कांग्रेस कार्यकर्ताको आक्रोश बढेपछि ओली सरकारविरुद्ध राँको बल्यो
काठमाडौं – कांग्रेस वरिष्ठ नेता रामचन्द्र पौडेलमाथि दुर्व्यवहार भएको घटनापछि आक्रोशित नेपाली कांग्रेसले नवलपुरको कावासोतीमा कांग्रेसले राँके जुलुस प्रदर्शन गरेको छ ।
नेविसंघ, नेपाल तरुण दलसहित कांग्रेस कार्यकर्ताले बिहीवार साँझ कावासोती बजारमा कम्युनिस्ट प्रधानमन्त्री केपी शर्मा ओली नेतृत्वको सरकारविरुद्ध नारा लगाउँदै राँके जुलुस प्रदर्शन गरेका छन् ।
उनीहरूले भ्रष्ट ओली सरकार राजीनामा दे, कम्युनिस्ट सरकार मुर्दावादजस्ता नारा लगाएका थिए । कावासोतीस्थित गणेशमान चोकबाट सुरू भएको जुलुस जिल्ला प्रहरी कार्यालय हुँदै फलफूल चोकमा टुंगिएको थियो ।
बुधवार तनहुँको ब्यास नगरपालिकामा पुल उद्घाटन गर्न पुगेका कांग्रेस वरिष्ठ नेता रामचन्द्र पौडेलको कार्यक्रममा सरकार सर्मथकहरूले अवरोध गरेपछि सुरक्षाको कारण भन्दै प्रहरीले पौडेललाई नियन्त्रणमा लिएर छाडेको थियो ।
सरकारले कांग्रेस नेतामाथि दुर्व्यवहार गरेको विरोधमा कांग्रेसले विरोध गरेको तरुण दलका अध्यक्ष सूर्य गुरुङले बताएका छन् । देशभर आक्रोशित कार्यकर्ताले विभिन्न ठाउँमा प्रदर्शन गरिरहेका छन् ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४