काठमाडौं- नेपाल कम्युनिस्ट पार्टी नेकपाका अध्यक्ष एवं प्रधानमन्त्री केपी शर्मा ओलीको महत्वकांक्षी योजनाका रुपमा रहेको एक योजना रेलको दुर्गति लागेको छ । करोडौं खर्च गरेर किनेका दुई रेल सञ्चालन हुन सकेको छैनन् । 

रेलमा गरेको करोाडौंको लगानी खेर जाने सम्भावनाका बीच रेलको लिक निमार्णमा खर्च भएको रकम समेत बेकामेहुँदै गएको छ । यसबीच जयनगर रेलमार्गमा रेल्वे लिकमा रहेका क्लिप चोरी समेत हुन थालेका छन् । भारतको जयनगरदेखि धनुषाको कुर्थासम्म चल्नुपर्ने रेल्वे लिकको ‘क्लिप’ गायब हुन थालेका हुन् ।

रेल्वे लिकको क्लिप चोरेर कवाडमा बेच्‍ने गरेको बताइन्छ । एउटा क्लिपमा आधा केजीभन्दा बढी फलाम हुने गरेको र अहिलेसम्म ६ सयभन्दा बढी क्लिप चोरी भएका छन् ।

धनुषाको खजुरीदेखि महिनाथपुरसम्म धेरै क्लिप चोरी भएका छन् । चरिचरन गर्न आउनेहरूले क्लिप निकालेको हुनसक्ने स्थानीयको भनाइ छ । 

३५ किलोमिटर मार्ग निर्माण सम्पन्‍न भएपछि नेपाली रेल जनकपुर आइसकेको छ । तर औपचारिक उद्घाटन अझै हुन सकेको छैन । धनुषाको कुर्थाबाट महोत्तरीको बिजलपुरा हुँदै बर्दिबाससम्मको ६९ किलोमिटर रेल्वे लिकको निर्माण कार्य जारी छ । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

भारतको सहयोगमा यसै महिनाभित्र जनकपुर–जयनगर रेल चलाउने तयारी

भारतले बनाएका रेल ओली सरकारले घुम्टो ओढाएर किन राखेको छ ? यस्तो छ भित्रि रहस्य !