तेह्रथुम - तेह्रथुममा जुवा खेलिरहेका तीन जना वडाध्यक्षसहित चार जनालाई प्रहरीले पक्राउ गरेको छ ।

प्रहरीले म्याङलुङ नगरपालिका–६ का अध्यक्ष इन्द्र लिम्बु, वडा नं. ७ का अध्यक्ष नारायणप्रसाद आचार्य, वडा नं. ८ का अध्यक्ष सुनिल सम्बाहाम्फे र स्थानीय भीमबहादुर लिम्बूलाई एक लाख रुपैयाँसहित जुवाखालबाट पक्राउ गरेको हो ।

उनीहरुविरुद्ध बुधबार जिल्ला अदालतमा मुद्धा दर्ता भएको छ । मंगलबार जिरिखिम्तीको एक होटलमा जुवा खेलिरहेको भन्ने गोप्य सूचना पाउनासाथ जिल्ला प्रहरी कार्यालयका प्रहरी निरीक्षक कोमल ठाकुर नेतृत्वको प्रहरी टोलीले दिउँसो तीन बजे छापा मारेको थियो ।

श्रोतका अनुसार सो ठाउँमा नियमित जुवा खेल्ने गरेको सूचना प्रहरीले पाएको थियो । जुवा खालबाट मोटो रकम बोकेका व्यक्ति भने फरार भएका छन् ।

उनीहरुविरुद्ध प्रहरीले मुलुकी फौजदारी आचारसंहिताअनुसार मुद्धा दर्ता गरी प्रक्रिया अघि बढाएको छ । तीनै जना वडाध्यक्षहरु नेकपाबाट निर्वाचित हुन् ।

वडाध्यक्षहरु नै जुवाखालबाट पक्राउ परेपछि उनीहरुलाई छुटाउन जिल्लाको राजनीतिक नेतृत्व लागिपरेको छ । राजनीतिक दबाबकै कारण प्रहरीले मुद्धाको विवरण समेत सार्वजनिक गरेको छैन ।

डिएसपी गौतम पोखरेलले सञ्चारकर्मीलाई समेत घटनाको बारेमा समाचार नलेख्न आग्रह गरिरहेका छन् । यसअघि दशैँमा पनि मोटो रकमसहित म्याङलुङकै एक वडाध्यक्ष पक्राउ परेका थिए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

झलनाथ र वामदेव एकै ठाउँमा, प्रचण्डलाई ठुलो झड्का लाग्ने खतरा !

२० गते मन्त्री हेरफेर : खतिवडाअघि सुरेन्द्र हेर्नुहोस् कस्को चम्किदैछ भाग्य !