काठमाडौं - ६ महिनासम्म दुईजनामा देखिएको कोरोना भाइरसले अहिले नेपाललाई आक्रान्त पारेको छ । नेपाल जस्तै भौगोलिक अवस्था रहेको भुटानमा शून्य मृत्युदर छ ।

पाँच सयमा संक्रमण देखिए पनि तीन सय बढी निको भइसकेका छन् । तर, नेपालको हालत भने दिनप्रतिदिन भयावह बन्दै गएको छ । यो सबै हुनुको मुख्य कारण सरकार प्रमुख गैरजिम्मेवार बनेकाले हो ।

प्रधानमन्त्री केपी ओलीले चैत वैशाखतिर कोरोना सोरोना केही होइन, चिसो हावा लिने, बेसार पानी खाने, हाछ्युँ गरेर भाइरस भगाइदिने नभनेको भए अहिलेको जस्तो अवस्था आउने थिएन ।

आफूले दिएको अभिव्यक्तिप्रति चौतर्फी विवादमा परेपछि चार महिनायता बरु ढुंगो बोल्ला प्रधानमन्त्री ओली कोरोनालाई लिएर बोल्न छाडेका छन् ।

देश कोरोनाले तवाह बन्दा पनि ओलीलाई त्यसबारे कुनै मतलब छैन । बरु पार्टीमा कसरी आफ्नो पकड कायम राख्ने, कुर्सी कसरी जोगाउने, क–कसलाई राजनीतिक नियुक्ति र लाभको पद दिने, मन्त्रीमा को राख्ने र कसलाई हटाउन नदिनेमै उनले समय गुजारिरहेका छन् ।

अमेरिका, ब्राजिल, क्यानाडा, भारत, पाकिस्तान, रुस, चीनलगायत देशका सरकार प्रमुख कोरोना भाइरसप्रति निकै चिन्तित देखिएका छन् । हरेक दिन उनीहरूले कोरोना नियन्त्रण गर्न केही न केही कदम चालिरहेका हुन्छन् ।

जनताका पीरमर्का बुझिरहेका हुन्छन् । कोभिड नियन्त्रण गर्न सिंगो देश परिचालन गरेका छन् । त्यसैले त्यति धेरै आक्रोश सरकार प्रमुखप्रति देखिएको छैन । तर, नेपालको हकमा यी सबै विषय एकदेशको कथा बनेको छ ।

प्रधानमन्त्री केपी ओलीले सिंहदरबारस्थित प्रधानमन्त्री तथा मन्त्रिपरिषद्को कार्यालय नटेकेकै सात महिना बितिसकेको छ । सात सात महिना निवासबाटै सरकार चलाएर ओलीले कीर्तिमान कायम गरेका छन् । कहिले अस्पताल त कहिले निवासबाट बाहिर ननिस्की पनि देश चलाउने भाग्यमानी प्रधानमन्त्री बनेका छन् ओली ।

अरु देशमा भएको भए सडकमा आगो बलिसकेको हुन्थ्यो । तर, जस्तोसुकै महामारीमा पनि नेपाली जनताले आफूलाई कुर्बानी दिइरहेका छन् ।

सरकार चलाउने जनताले रगत पसिना बगाएर तिरेको करमा नारायण गोपालले गाएको गीत ‘यसैगरी बिताइदिन्छु दुई दिनको जिन्दगी...’ जस्तै मस्ती मारिरहेका छन् ।

सम्झना कामी, निर्मला पन्त, सञ्जाकुमारी शाह बलात्कार भएर मारिएका छन् । तर, तिनको परिवारले न्याय पाएको छैन । दोषी सडकमा मस्त भएर घुमघाम गरिरहेका छन् । भ्रष्टाचार, हत्या, हिंसा, भोकमरी बढेको छ । तर, ओली सरकार बालुवाटारमा मस्त छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

प्रचण्डसँग मिलेर केपी ओलीले दिए कडा निर्देशन, विरोध उत्रेका सांसद के गर्लान् ?