काठमाडौं- ऊर्जा, जलश्रोत तथा सिंचाइमन्त्री वर्षमान पुनले प्राधिकरणका निमित्त कार्यकारी निर्देशक लेखनाथ कोइरालासहित आधा दर्जन बढी उपकार्यकारी निर्देशकहरुलाई बिहीबार मन्त्रालयमा बोलाएर बैठकसहित छलपफल गरेका छन् ।

विद्युत वितरण प्रणालीमा समस्या बढेसँगै मन्त्री पुनले बैठक बसालेर तत्कालन समस्या समाधान गर्न निर्देशन दिएका हुन्। यसबाहेक, मन्त्री पुनले निमित्त कार्यकारी निर्देशक कोइरालालाई पूर्ण अधिकार प्रयोग गरी काम गर्न र ठूलै समस्या आए तत्काल आफूलाई जानकारी दिन पनि निर्देशन दिएका छन् ।

सर्वसाधारणले विद्युत प्राधिकरणका निवर्तमान कार्यकारी निर्देशक कुलमान घिसिङले राजीनामा दिएसँगै विद्युतमा समस्या आएको गुनासो गर्न थालेका छन् । कुलमानको नेतृत्वमा प्राधिकरणले देशलाई लोडसेडिङमुक्त पारेको थियो ।

‘जनता हाम्रा ग्राहक हुन्, ग्राहकका गुनासा तत्काल सम्बोधन गर्नुस्’, मन्त्री पुनले भने, ‘नियमित विद्युत सेवा पाइरहेका जनताले सेवा अनियमित हुँदा गरेको गु्नासालाई नकारात्मक रुपमा नलिऔं, नियमित विद्युत पाउनु जनताको अधिकार हो भन्ने ख्याल गरेर काम गरौं, छिटोभन्दा छिटो गुनासा सम्बोधन गरौं।’

यसबाहेक मन्त्री पुनले भने,  ‘समय परिस्थिति र घटनाक्रमका कारण पनि सरकार, मन्त्रालय र प्राधिकरणमाथि कतिपय स्वाभाविक, कतिपय अस्वाभाविक र कतिपय नियोजित गुनासा आएका छन्’, मन्त्री पुनले भने, ‘जायज र स्वाभाविक गुनासोलाई सम्मान गर्दै आफ्नो काम इमान्दारीपूर्वक गरौं, नियोजित आशंका आफैं हटेर जान्छन्।’

कोभिड–१९ का कारण विद्यालय र विश्वविद्यालयहरुको पठनपाठन अनलाइन कक्षामार्फत भइरहेकाले पनि विद्युत अनियमित हुँदा विद्यार्थीको पढाइमा थप प्रतिकूल असर पर्नसक्नेतर्फ गम्भीर हुनुपर्ने  मन्त्री पुनको भनाइ छ ।

प्राधिकरणका निमित्त कार्यकारी निर्देशक कोइरालाले खराब मौसमका कारण समस्या आएको भन्दै मौसममा सुधार आएसँगै धेरै हदसम्म समस्या आफैं समाधान भएर जाने जानकारी दिए।  

उनले भने, ‘ललितपुरको खोकना र काठमाडौँको ग्रान्डी अस्पताल क्षेत्रमा हाम्रा कर्मचारीले रातभरि काम गरेर अवरुद्ध विद्युत सुचारु गराए’, कोइरालाले भने, ‘तौलिहवामा विद्युत सुचारु गराएर फर्कंदा वितरण केन्द्रका प्रमुखसहित हाम्रा चार कर्मचारी र दुई सर्वसाधारणलाई गाडीसहित खोलाले बगाउनेसम्मको दुःखद् घटना भयो।’

यसअघि निर्देशक

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

लोडसेडिङ हटाएका कुलमानको कार्यकाल सकिँदै, उर्जामन्त्री पुन विदा गर्ने पक्षमा, यस्तो छ चलखेल

लोडसेडिङ हटाएर हिरो बनेका कुलमानले विद्युत प्राधिकरण छोड्दै, कसले सम्हाल्ला नेतृत्व 

विद्युत प्राधिकरणको कार्यकारी निर्देशकमा कुलमान घिसिङ नै निरन्तरता दिन ब्यापक दबाब

फेक एकाउन्टबाट गलत हल्ला फिजाँउनेलाई कुलमानले दिए दनक, गरे यस्तो तर्क

कुलमानको पुनर्नियुक्तिमा मन्त्री खतिवडाले गरे ठट्टा, के हाे गडबढ ?

अन्तत: पुनर्नियुक्तिकाे विषयमा कुलमानले खाेले मुख, के भने हेर्नुहाेस् (पूर्णपाठ)