ओखलढुङ्गा - प्रमुख प्रतिपक्षि दल नेपाली कांग्रेस ओखलढुंगाका जिल्ला सभापति प्रदिप कुमार सुनुवारलाई कोरोना संक्रमण भएको पुष्टि भएको छ । 

केही समयदेखी स्वासप्रश्वासमा अलि अलि समस्या देखिएपछी सभापति सुनुवारले कोरोना संक्रमणको आशंकामा स्वाब परीक्षण गर्दा मंगलबार कोरोना संक्रमण भएको पुष्टि भएको हो ।

स्वासप्रश्वासमा समस्या भएपछि केही दिनदेखी सुनुवार होम क्वारेन्टाईनमा बस्दै आएका थिए । उनीसहित ओखलढुंगामा मंगलबार ९ जना कोरोना भाइरस संक्रमितहरु थपिएका छन् ।

सभापति सुनुवारले आम जनसमुदाय, ओखलढुङ्गा बासि आमा–बुबा, दाजु–भाइ तथा दिदी–बहिनीमा धैर्यधारण गर्न आग्रह गरेका छन् । मिडिया डबलीसंग कुरा गर्दै सुनुवारले आफ्नो स्वास्थ्यमा पहिलेको भन्दा धेरै सुधार भएको जानकारी दिएका छन् । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।