काठमाडौं - परराष्ट्रमन्त्रिविरुद्ध विरगञ्ज र काठमाडाैंमा भव्य प्रदर्शन भएकाे छ ।  हिन्दूवादी नेता विनय यादवनेतृत्वको राष्ट्रिय एकता अभियानले परराष्ट्रमन्त्री प्रदीप ज्ञवालीकाे गैरजिम्मेवारी अभिव्यक्तिको विरोधमा वीरगञ्ज र काठमाडौंमा प्रदर्शन गरेको हाे ।

अभियानका अभियानकर्ताहरुले बुधबार वीरगञ्जको घण्टाघर चोकमा भेला भई परराष्ट्रमन्त्रीको राजीनामाको माग गर्दै विरोध प्रदर्शन गरेका छन् ।

विरोध प्रदर्शनमा सहभागि युवाहरुले ‘ भ्रष्टचारी सरकार मुर्दावाद, राष्ट्रघाती सरकार मुर्दावाद, चिनियाँ विस्तारबाद मुर्दावाद, चीनले अतिक्रमण गरेको जग्गा फिर्ता गर, परराष्ट्रमन्त्री राजीनामा दे,’ लगायत सरकारविरुद्ध चर्को नाराबाजी गरेका थिए ।

राष्ट्रिय एकता अभियानका संयोजक यादवले नेपाल चीन सीमाबारे परराष्ट्रमन्त्री प्रदीप ज्ञवालीले दिएको अभिव्यक्ति गैरजिम्मेवारी भएकोले नैतिकताको आधारमा राजीनामा दिनुपर्ने माग गरे ।

२०६१ सालमा नेपालको अधिनमा रहेको गोरखा जिल्लाको रुई गाँउलाई त्यहाँको जनताको स्वेच्छाले चीनतर्फ पारिएको परराष्ट्रमन्त्रीले दिएको अभिव्यक्ति नेपाल राष्ट्रको राष्ट्रियता, राष्ट्रिय स्वाधिनता, अखण्डता र सार्वभौमसत्ता विरोधी मात्र नभई त्यसले नेपालको विखण्डनवादी शक्तिहरुलाई मलजल पु¥याउने काम गरेको उनले आरोप लगाए ।

‘भारतले हाम्रो कालापानी, लिपुलेक र लिपुवाधारा अतिक्रमण गरेको भन्दै आक्रमक रुपमा विरोध गर्ने तर चीनले नेपाली भूमि अतिक्रमण गर्दा हामी किन यति उद्दारवाद बनेका हौं,’ उनले भने – ‘के हामी चाईनाको गुलामी गरेका हौं, ‘हौइन भने चीनले अतिक्रमण गरेको रुई गाउँ पुरै फिर्ता गर्नुपर्छ ।’

रुई गाँउलाई चीनतर्फ नेपालको भूभागमा पार्न सहयोग पु¥याएका सम्बन्धित सबै व्यक्तिहरु माथि राष्ट्रद्रोहको मुद्दा लगाएर अबिलम्ब कारवाही गर्नुका साथै रुई गाउँलाई नेपालको नक्सामा पारी नयाँ नक्सा प्रकाशित गर्न माग समेत उनले गरे ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रदीप ज्ञवाली सरकारको प्रवक्ता तोकिए, तत्काल सञ्चारमन्त्री नयाँ आउनेमा ब्रेक

कुलमानको पुर्ननियुक्तिबारे सरकारका प्रवक्ताले भने यस्ताे

परराष्ट्रमन्त्रीकाे राजीनामा माग्दै प्रदर्शनमा उत्रिएका दुइ जना पक्राउ

प्रदीप ज्ञवालीलाई प्रश्न, लोकमानलाई अख्तियार प्रमुखबाट हटाउन गोविन्द केसीको अनसनलाई समर्थन गरेको बिर्सन मिल्छ ?

फेरि लकडाउनको विकल्पमा सरकार, प्रवक्ताले दिए यस्तो जानकारी

नेकपामा रडाको मच्चिरहेको बेला किन जाँदै छन परराष्ट्रमन्त्री भारत ?