काठमाडौं - मोहन वैद्य नेतृत्वको क्रान्तिकारी कम्युनिस्ट पार्टीका कार्यकर्ताले सोमबार बालुवाटारमा अर्धनग्न प्रदर्शन गरेका छन् ।

सो पार्टीका युवा संगठनका कार्यकर्ताहरूले प्रधानमन्त्री निवास बालुवाटार गेटमा, सिंहदरबारभित्र प्रधानमन्त्री तथा मन्त्रिपरिषद्को कार्यालय अगाडि, सर्वोच्च अदालतको मूलगेटमा, संसद भवनको ३ र २ नम्बर गेटमा र पुल्चोकस्थित मन्त्री निवासमा अर्धनग्न भएर प्रदर्शन गरेका हुन्।

बालकुमारी घटनाको विरोध गर्दै प्रदर्शन गरेको उनीहरूले एमसिसी र एनसेल प्रकरणविरुद्ध पनि नाराबाजी गरेका थिए।

सांकेतिक रुपमा सत्ता नांगिसकेको सन्देश दिन, मिलिभगत लूटतन्त्रको विरोध गर्न यसप्रकारले प्रदर्शन गरेको उक्त संगठनको भनाइ छ।

प्रदर्शनमा संलग्न ३२ जना पक्राउ परेको र उनीहरुलाई फरकफरक ठाउँमा राखिएको बताइएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।