काठमाडौं - पुष्पकमल दाहाल प्रचण्डको तेस्रो प्रधानमन्त्रीत्वकाल पनि त्यत्तिकै खेर गएको छ ।

प्रधानमन्त्री बनेलगत्तै उनले सामाजिक सुरक्षा, सुशासन र अर्थतन्त्र तथा सेवा प्रवाह सुधारको घोषणा गरेका थिए ।

तर, कार्यकालको एक वर्ष पूरा हुँदै गर्दा उनी स्वयं सन्तुष्ट छैनन् ।

आम नागरिकमा निराशा बढ्दै गएको छ भने व्यवस्थाकै विरोधमा आवाज उठ्न थालेको छ ।

प्रचण्डले अर्थतन्त्रमा सुधार, सुशासन र सेवाप्रवाहलाई प्राथमिकतामा राख्ने प्रतिबद्धता व्यक्त गरेका थिए ।

औपचारिक कार्यक्रममा समय खेर नफाल्ने र जनताको काममै केन्द्रित रहने प्रतिबद्धतामा पनि उनी अडिग रहेनन् ।

अर्थतन्त्रका बाह्य सूचकमा सकारात्मक देखिए पनि यो एक वर्षमा आन्तरिक सूचकमा सुधार आउनै सकेन ।

ललितानिवास, नक्कली भुटानी शरणार्थी र सुन तस्करी प्रकरणका फाइल खोलेर सुशासनका क्षेत्रमा कदम बढाउन खोजे पनि राजनीतिक प्रभाव र दबाबभन्दा माथि उनी उठ्न सकेका छैनन् ।

गत वर्ष मंसिर ४ को निर्वाचनबाट ८९ सांसद जितेर सबैभन्दा ठूलो दल बनेको नेपाली कांग्रेसका सभापति शेरबहादुर देउवालाई धोका दिँदै ३२ सिट जितेका प्रचण्ड प्रधानमन्त्रीमा नियुक्त भएका थिए ।

गत वर्ष पुस १० गते दिउँसो ३ बजेसम्म देउवा नै पुनः प्रधानमन्त्री बन्ने सम्भावना थियो । तर बालुवाटारमा गठबन्धनको बैठकबाट निस्केर हिँडेका प्रचण्ड खुमलटार हुँदै भक्तपुरको बालकोट पुगे ।

त्यहीँ एमाले अध्यक्ष केपी ओली, राष्ट्रिय स्वतन्त्र पार्टीका सभापति रवि लामिछाने, राष्ट्रिय प्रजातन्त्र पार्टीका अध्यक्ष राजेन्द्र लिङ्देनले प्रचण्डलाई प्रधानमन्त्री बनाउन हस्ताक्षर गरे । र, राष्ट्रपति कार्यालयमा पेस गरे ।

तत्काल विद्यादेवी भण्डारीले प्रचण्डलाई प्रधानमन्त्रीमा नियुक्त गरेपछि कांग्रेस सभापति देउवा प्रधानमन्त्री बन्ने ढोका बन्द भएको थियो । अहिले प्रचण्ड कांग्रेसकै गठबन्धनमा छन् ।

तर त्यसबेला तेस्रो दलको नेता भए पनि प्रचण्डले जालझेल गरेर प्रधानमन्त्री पद हत्याएका थिए ।

प्रचण्डले पाँच वर्ष गठबन्धन कायमै राख्न सरकारको नेतृत्व आधा आधा गर्ने सहमति देउवासँग गरेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कोरोना महामारीका बेला शेरबहादुर देउवाको माग : ‘एमसीसी पारित हुनुपर्छ’