काठमाडौं - घरेलु कामदारको रुपमा कुवेत गएर फर्केकी नेपाली युवतीले विमानमा बच्चा जन्माएकी छन् ।

युएईको सारजाहबाट काठमाडौं आइपुगेको विमानको शौचालयमा नवजात शिशु फेला परेपछि यो रहस्य खुलेको हो ।

कुवेतबाट आएकी २८ वर्षीया धनमाया रानाले शौचालयभित्र उक्त शिशुलाई जन्माएर फालेको आशंका गरिएको छ । प्रहरीले युवती र शिशु दुवैलाई एम्बुलेन्समा राखेर सिनामंगलस्थित केएमसी अस्पताल लगेको थियो ।

एअर अरेबियाको काठमाडौं अवतरण भएको विमानको शौचालयको कमोडभित्र लुकाई छिपाई भर्खर जन्माएको बच्चा छाडिएको अवस्थामा फेला परेको हो ।

विमान सफाइ गर्ने कर्मचारीले कमोडभित्र नवजात शिशु देखेपछि एयरलाइन्सका कर्मचारी र प्रहरीले खानतलास गरेका थिए । राना कुवेतमा घरेलु कामदारको रुपमा गएकी थिइन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।