काठमाडौं - सत्ताको नेतृत्व गरिरहेको माओवादीले सडक संघर्षको कार्यक्रम घोषणा गरेको छ ।

मंगलबार जारी सर्कुलरअनुसार माओवादीले गणतन्त्रका उपलब्धिहरु उल्टाउने गरी राजावादी खेमाबाट भइरहेका प्रतिगामी षडयन्त्रहरुको भण्डाफोर गर्ने भन्दै सडक संघर्ष गर्न लागेको हो ।

माओवादीले मंसिर २२ गते काठमाडौंमा सडक संघर्ष गर्ने जनाएको छ । आइतबार प्रधानमन्त्री निवास बालुवाटारमा बसेको माओवादीको पदाधिकारी बैठकले निर्णयबारे सर्कुलर पठाउँदै उसले मातहत कमिटी र भ्रातृसंगठनहरुलाई मंसिर २२ को तयारीमा उत्रन निर्देशन दिएको छ ।

प्रधानमन्त्री पुष्पकमल दाहाल प्रचण्डले पछिल्लो समय प्रतिगमनविरूद्ध सडकमा लाखौं जनता उतार्ने सार्वजनिक अभिव्यक्ति दिँदै आएका छन् । जुनसुकै जिल्लामा गएर भाषण गर्दा पनि उनले सडक आन्दोलन गर्छौं भनिरहेका छन् ।

तर कसले प्रतिगमन गर्न लागेको हो भन्ने उनले भन्न सकेका छैनन् । माओवादीले गर्न लागेको सडक आन्दोलन कसलाई देखाउन र तर्साउन हो भन्दै अहिले सामाजिक सञ्जालमा आक्रोश उत्पन्न भएको छ ।

उसको यो हठले सत्तारुढ दल नेपाली कांग्रेसलाई अप्ठेरो परेको छ । आफैं सरकारमा बस्ने अनि सडक आन्दोलन गर्ने माओवादी चरित्रका कारण कांग्रेसलाई अप्ठेरो परेको हो ।

प्रायः विपक्षी दल तथा आफ्ना माग पूरा गर्न सरकारलाई दबाब दिने उद्देश्यले दबाब समूहले सडक आन्दोलन गर्ने चलन छ । तर माओवादी आफैं सत्तारुढ दल हो । सो पार्टीका अध्यक्ष पुष्पकमल दाहाल प्रचण्ड आफैं प्रधानमन्त्री छन् ।

माओवादीको यो सर्कुलरका कारण अहिले कांग्रेस, एकीकृत समाजवादी, जसपालाई नैतिक संकट परेको छ । सत्तारुढ पार्टीले संगठन अभियान, जनचेतना जगाउने अभियान चलाउन सक्छ ।

तर आफैं सरकारमा बसेर आफैंले सडक आन्दोलन गर्न खोज्नु माओवादीको चरम सत्ता लिप्सा भएको विश्लेषण हुन थालेको छ । कतै एमालेले आफ्नो भाग खोस्न लागेको त होइन भन्ने डर माओवादीमा देखिएको हुन सक्ने विश्लेषण हुन थालेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

प्रचण्ड नै पत्याएनन् केपी ओलीको नीति, तत्कालै यस्तो दिए प्रतिक्रिया

बालुवाटारमै केपी ओलीलाई ठूलो धक्का, सचिवालय बैठकमा प्रचण्डको अडानले तुहियो भित्रि योजना !