काठमाडौं - पेट्रोलियम पदार्थको मूल्य पहिलेकै कायम हुने भएको छ ।

प्रधानमन्त्री पुष्पकमल दाहाल प्रचण्डले पेट्रोलियम पदार्थको बढेको मूल्य फिर्ता लिन निर्देशन दिएपछि केही समयमै नेपाल आयल निगम सञ्चालक समितिको बैठक बसेर पुरानो मूल्य प्रणालीअनुसार पेट्रोलियम पदार्थको कारोबार गर्ने भएको छ ।

आयल निगमका पदाधिकारीहरुसँग असन्तुष्टि जनाउँदै प्रधानमन्त्री प्रचण्डले पुरानो मूल्यसूची कायम गर्न निर्देशन दिएका हुन्। पुरानो मुल्यसुची कायम गर्दा स्वचालित मूल्य प्रणालीमा पर्ने प्रभावलाई अनुदानको रूपमा व्यवस्थापन गर्न पनि निर्देशन दिएको सरकारका प्रवक्ता तथा सञ्चारमन्त्री रेखा शर्माले बताइन् ।

आइतबारको सातदलीय बैठकमा प्रचण्डले यसबारे जानकारी गराएका थिए । चाडपर्वका बेला इन्धनको मूल्यवृद्धि भएपछि जनता आक्रोशित बनेका थिए । ‘सम्माननीय प्रधानमन्त्रीज्यूले नेपाल आयल निगमका पदाधिकारीहरुलाई बोलाई पेट्रोलियम पदार्थको बढेको मुल्य फिर्ता लिएर पुरानो मूल्यसूची कायम गर्न निर्देशन गर्नुभएको छ।

त्यसो गर्दा स्वचालित मूल्य प्रणालीमा पर्ने प्रभावलाई अनुदानको रूपमा व्यवस्थापन गर्न पनि निर्देशन गर्नु भएको छ। अब केही समयमै नेपाल आयल निगम सञ्चालक समितिको बैठक बसी पुरानो मूल्य प्रणालीअनुसार पेट्रोलियम पदार्थ (एलपीजीसमेत) समेतको कारोबार गर्ने व्यहोरासमेत जानकारी गराउँदछौं,’ प्रधानमन्त्री प्रचण्डका स्वकीय सचिव रमेश मल्लले जारी गरेको प्रेस नोटमा उल्लेख छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

प्रचण्ड नै पत्याएनन् केपी ओलीको नीति, तत्कालै यस्तो दिए प्रतिक्रिया

बालुवाटारमै केपी ओलीलाई ठूलो धक्का, सचिवालय बैठकमा प्रचण्डको अडानले तुहियो भित्रि योजना !