काठमाडौं - प्रधानमन्त्री पुष्पकमल दाहाल प्रचण्डले संसद्को अवरोध खुलाउने प्रयासस्वरुप राष्ट्रिय मान्यताप्राप्त दलसँग छलफल सुरु गरेका छन् ।

सिंहदरबारस्थित प्रधानमन्त्री कार्यालयमा सुरु भएको छलफलमा नेपाली कांग्रेस, एमाले, माओवादी, रास्वपा, राप्रपा, जसपालगायत दलका नेता सहभागी छन् ।

सुन तस्करी छानबिनका लागि उच्चस्तरीय समिति बनाउनुपर्ने माग राख्दै प्रमुख प्रतिपक्षी दल एमालेले साउन १० गतेदेखि निरन्तर सदन अवरोध गरिरहेको छ ।

प्रधानमन्त्री प्रचण्डले बोलाएको बैठक पनि निष्कर्षविहीन हुने सम्भावना धेरै रहेको बताइन्छ । बैठकमा एमाले अध्यक्ष केपी ओली अनुपस्थित छन् । ओलीले पार्टीका उपनेता सुवासचन्द्र नेम्वाङलाई पठाएका छन् ।

ओली सहभागी नभएकाले पनि बैठक निष्कर्षमा पुग्नेमा आशंका जन्मिएको हो । कांग्रेसबाट सभापति शेरबहादुर देउवा र उपसभापति पूर्णबहादुर खड्का, माओवादीबाट अध्यक्ष प्रचण्ड, राष्ट्रिय स्वतन्त्र पार्टीबाट सभापति रवि लामिछाने, राप्रपा अध्यक्ष राजेन्द्र लिङ्देनलगायत उपस्थित छन् ।

सभामुख देवराज घिमिरेले आइतबार बोलाएको प्रमुख दलका प्रमुख सचेतक र सचेतकहरूसँगको बैठक विनानिष्कर्ष सकिएको थियो । बैठकमा सत्ता र प्रमुख प्रतिपक्ष दुवैले आफ्नो अडान नछाड्दा बैठकमा कुरा नमिलेको रास्वपाका प्रमुख सचेतक सन्तोष परियारले बताए।

‘अहिले सत्तापक्ष र प्रतिपक्षको अडान उही छ। अझै प्रतिपक्षले हामी बलियोसँग उभिन्छौँ भन्ने अडान राखेको छ। अब यहाँ कुरा मिल्न सकेन। अब प्रधानमन्त्रीले डाक्नुभएको बैठकमा कुरा मिल्ला कि भन्ने अपेक्षा छ,’ उनले भने ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

प्रचण्ड नै पत्याएनन् केपी ओलीको नीति, तत्कालै यस्तो दिए प्रतिक्रिया

बालुवाटारमै केपी ओलीलाई ठूलो धक्का, सचिवालय बैठकमा प्रचण्डको अडानले तुहियो भित्रि योजना !