काठमाडौं - यतिबेला प्रमुख प्रतिपक्षी दल एमालेले सुन तस्करी प्रकरणमा उच्चस्तरीय छानबिन आयोगको माग गर्दै संसद् अवरोध जारी राखेको छ ।

जसकारण मुलुकका जल्दाबल्दा समस्या संसदमा उठ्न सकेको छै । त्यसमाथि सुनकाण्डमा माओवादीकै उपाध्यक्ष कृष्णबहादुर महरासमेत मुछिएपछि प्रधानमन्त्री पुष्पकमल दाहाल प्रचण्ड र गृहमन्त्री नारायणकाजी श्रेष्ठ बडो संकटमा परेका छन् ।

उनीहरूले आफ्नो नेतृत्वको सरकारले सुशासन कायम गर्न खोजेको भाषण दिँदै आएका थिए । तर केही समयअघिदेखि दुवैको भाषणमा सुशासन शब्द गायब छ ।

पार्टी र सरकार नै संकटमा परेपछि प्रचण्डले हतारहतार सोमबार सत्ता गठबन्धनको बैठक बालुवाटारमा राखे । यसअघि सर्वोच्च अदालतले बालुवाटारस्थित ललिता निवास जग्गा प्रकरणमा पूर्वप्रधानमन्त्री माधवकुमार नेपाल र बाबुराम भट्टराईलाई पनि अनुसन्धानको दायरामा ल्याउन आदेश दिए पनि प्रचण्डले सहयात्री दलका नेतासँग छलफल गर्ने कुनै आवश्यकता देखेका थिएनन् ।

त्यति मात्र होइन, नक्कली भुटानी शरणार्थी प्रकरणमा कांग्रेस केन्द्रीय सदस्य बालकृष्ण खाँणलाई जेल हाल्दासमेत प्रचण्डले सत्ता गठबन्धनको बैठक राख्न चाहेनन् । खाँणलाई आरोप लगाएकै भरमा जेल हालिएको थियो ।

तर अहिले जब एमालेले संसद् अवरोधलाई जारी राख्यो, जब आफ्नै पार्टीका नेता महरा सुनकाण्डमा मुछिए तब प्रचण्डलाई कांग्रेस, एकीकृत समाजवादी, जसपाको सहयोग परेको छ ।

उनले सोमबार साँझ बालुवाटारमा राखेको गठबन्धनको बैठकमा नेताहरूले आ–आफ्नो असन्तुष्टि पोखेका थिए । प्रचण्डलाई सहज बनाइदिन सत्तारुढ गठबन्धनको बैठकले सुन तस्करी प्रकरणमा प्रहरीले अनुसन्धान गरिरहेको भन्दै बेग्लै समिति बनाउन नपर्ने निष्कर्ष निकालेका छन् ।

उच्चस्तरीय छानबिन आयोग वा समिति बनाउँदा आफ्ना पार्टीका उपाध्यक्ष महरा पनि तानिने भएकाले प्रचण्डले सत्ता गठबन्धनको सहारा लिएका हुन् ।

महराले यसअघि चिनियाँ व्यापारीसँग पार्टी र सरकार चलाउन भन्दै ५० करोड बार्गेनिङ गरेको अडियो टेप सार्वजनिक भएको थियो । तर उनीमाथि कुनै छानबिन भएन । सभामुख रहेकै बेला संसदका एक महिला कर्मचारीमाथि महराले राशलीला मच्चाएका थिए ।

उनी तीन महिना जेल पनि परे । तर पछि उनलाई शक्तिको दबाबमा उन्मुक्ति दिइयो । अहिले सुनकाण्डले भने माओवादी पार्टीकै हुर्मत लिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

प्रचण्ड नै पत्याएनन् केपी ओलीको नीति, तत्कालै यस्तो दिए प्रतिक्रिया

बालुवाटारमै केपी ओलीलाई ठूलो धक्का, सचिवालय बैठकमा प्रचण्डको अडानले तुहियो भित्रि योजना !