राजनीतिक बिशेष
गणतन्त्रको नारा उठाउँदा पनि गगन एक्लै थिए, अहिले कांग्रेस सुधार्छु भन्दा पनि एक्लै
गणतन्त्रको नारा उठाउँदा पनि गगन एक्लै थिए, अहिले कांग्रेस सुधार्छु भन्दा पनि एक्लै
काठमाडौं - साठ्ठीको दशकमा नेपाली कांग्रेसभित्र गणतन्त्रको नारा लगाउँदा गगन थापा एक्लै थिए ।
.उनलाई तत्कालीन कांग्रेस केन्द्रीय सदस्य नरहरि आचार्य र नेविसंघका अध्यक्ष गुरुराज घिमिरेले साथ दिएका थिए । राजसंस्थाको विरुद्धमा बोल्दा तत्कालीन शासकले गगन, गुरुराज र प्रदीप पौडेललाई जेल पठाएका थिए । तर गगन रोकिएनन् ।
गगनको अडानका अगाडि शासन झुके । त्यति मात्र होइन, गगनले राजसंस्था हटाउनुपर्ने र पार्टीले गणतन्त्रको धार अवलम्बन गर्नुपर्छ भन्दा तत्कालीन सभापति गिरिजाप्रसाद कोइरालाले मानेका थिएनन् ।
अहिले संस्थापन पक्ष् अर्थात् सभापति शेरबहादुर देउवा समूहमा रहेका एकजनाले पनि गणतन्त्रको नारा उठाउन सकेका थिएनन् । जबकि गगन कांग्रेस केन्द्रीय सदस्यसमेत थिएनन् ।
अकस्मात् गिरिजाप्रसादले गणतन्त्रमा जाने कुरामा विश्वस्त भए । त्यसपछि कांग्रेसभित्र रातारात सबै गणतन्त्रवादी भए। सबैले नरहरि र गगनकै बाटो समाते । अहिले गगन थापा कांग्रेसको महामन्त्री छन् । पार्टीलाई रुपान्तरण गरौं भन्ने हुटहुटी लिएका छन् ।
पुरातन सोच र शैलीले पार्टी चल्दैन भनेर उनले अर्का महामन्त्री विश्वप्रकाश शर्मासँग मिलेर कांग्रेसलाई अघि बढाउन खोजेका छन् । तर सभापति देउवाका ‘एस म्यान’ हरू अहिले गगन र विश्वप्रकाशको खेदो खनिरहेका छन् ।
बहुमतको आडमा महामन्त्रीद्वयको हुर्मत लिइरहेका छन् । तर यसले गगन र विश्वप्रकाश रोकिनेवाला छैनन् । कुनै दिन गगन र विश्वप्रकाशको लाइन बहुमत हुनेछ र सब त्यही लाइनका हुनेछन्। कुनै समयमा देउवा गगन थिए र गिरिजाप्रसाद देउवा थिए ।
अहिले देउवा गिरिजा बन्दै गर्दा गगनलाई देउवा बन्नु आवश्यक छैन भन्दै केन्द्रीय समिति बैठकमा नयाँदेखि कपाल फुलेका केन्द्रीय सदस्यसम्म महामन्त्रीद्वयको हुर्मत लिइरहेको देखिएको छ ।
यसले कांग्रेस एकचोटि निर्वाचनमा नराम्ररी पछारिएपछि मात्र नेताहरूमा होस खुल्ने अवस्था देखिँदैछ । अहिले कांग्रेस केन्द्रीय सदस्यहरूलाई पार्टीको होइन, जेलमा रहेका बालकृष्ण खाँणको चिन्ता धेरै छ ।
आफैं सरकारमा बस्ने अनि राज्यले खाँणलाई फसायो भन्ने सहमहामन्त्री भएको पार्टीले यो देशको विकास गर्छ भनेर कसैले सोच्न सकेको छैन । उनीहरू अहिले सभापति देउवाको चाकडीमा रमाइरहेका छन् ।
असी वर्षीय देउवाको गुणगान गाउँदैमा ठिक्क छ । कांग्रेसका अधिकांश नेताहरूमा न विचार छ, न समस्याको समाधान, न आगामी बाटो । पार्टीको अस्तित्व नै सकाउने गरी केन्द्रीय सदस्यहरु चाकडीमा लागेको देखेपछि नयाँ पार्टीहरू दंग परेका छन् ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४