काठमाडौं - पत्नी शोकमा परेकाले प्रधानमन्त्री पुष्पकमल दाहाल प्रचण्डको औपचारिक कार्यक्रम हाललाई स्थगित गरिएको छ ।

प्रधानमन्त्रीको निजी सचिवालयले श्रीमती सीता दाहालको निधनका कारण शोकमा रहेका प्रधानमन्त्री प्रचण्डले ३० असारसम्म कुनै पनि औपचारिक गतिविधिमा सहभागी नहुने जानकारी गराएको छ ।

समवेदना प्रकट गर्न आउने शुभेच्छुकहरूले असार २९ गतेसम्म बिहान ८ बजेदेखि ११ बजेसम्म र अपराह्न ४ बजेदेखि बेलुका ६ बजेसम्म बालुवाटारमा प्रधानमन्त्री प्रचण्डलाई भेट्न सक्ने सचिवालयले जनाएको छ ।

श्रद्धाञ्जली र समवेदना दिन बालुवाटार आउनेहरुसँग भेटघाट र कुराकानी गर्नेबाहेक सिंहदरबारस्थित प्रधानमन्त्री तथा मन्त्रिपरिषद् कार्यालयमा समेत प्रचण्ड जाने छैनन् ।

मंगलबार मात्र सिके राउत नेतृत्वको जनमत पार्टीले सरकारमा सहभागी हुने निर्णय गरेको थियो । जनमत पार्टीले दलकी प्रमुख सचेतक अनिता साहलाई सरकारमा पठाउने निर्णय गरेको थियो।

मंगलबार बसेको संसदीय दलको बैठकले साहलाई प्रचण्ड नेतृत्वको सरकारमा पठाउने निर्णय गरेको अध्यक्ष राउतले जानकारी दिएका थिए । तर, प्रधानमन्त्री शोकमा रहेकाले मन्त्रिपरिषद्ु पुनर्गठन पनि रोकिएको छ ।

जनमतले यसअघि अब्दुल खानलाई खानेपानी मन्त्री बनाएको थियो । तर बीचमा उसले आफ्नो मन्त्रीलाई फिर्ता बोलाएको थियो ।

जनमतले अहिले उद्योग वा कृषि, पर्यटन वा सामान्य प्रशासनमध्ये एउटा मन्त्रालयमा दाबी गर्दै आएको छ । उद्योग मन्त्रालय नेपाली कांग्रेस र कृषि मन्त्रालय एकीकृत समाजवादीको भागमा परेको छ ।

सामान्य र पर्यटन मन्त्रालय माओवादीको भागमा परेको छ । त्यसैले प्रधानमन्त्री प्रचण्डले असार ३० गतेलगत्तै आफ्नो दलका एक मन्त्रीलाई फिर्ता बोलाउने तयारी गरेका छन् ।

अहिले पर्यटनमा सुदन किराँती र सामान्य प्रशासनमन्त्री अमनलाल मोदी छन् । कांग्रेस र एकीकृत समाजवादीका मन्त्री हटाउन अप्ठेरो भएकाले प्रचण्डले आफ्नै पार्टीका मन्त्रीलाई फिर्ता बोलाउन सक्ने सम्भावना प्रबल रहेको बताइन्छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

प्रचण्ड नै पत्याएनन् केपी ओलीको नीति, तत्कालै यस्तो दिए प्रतिक्रिया

बालुवाटारमै केपी ओलीलाई ठूलो धक्का, सचिवालय बैठकमा प्रचण्डको अडानले तुहियो भित्रि योजना !