गठबन्धनको निर्णयले प्रचण्डलाई राहत, एमालेलाई आहात
गठबन्धनको निर्णयले प्रचण्डलाई राहत, एमालेलाई आहात
काठमाडौं - सत्ता गठबन्धनको बैठकले प्रधानमन्त्री पुष्पकमल दाहाल प्रचण्डले राजीनामा दिन नपर्ने निर्णय गरेको छ ।
बिहीबार बिहान प्रधानमन्त्री निवास बालुवाटारमा बसेको बैठकमा सहभागी शीर्ष नेताहरूले प्रधानमन्त्रीले राजीनामा दिन नपर्ने निर्णय गरेको हो ।
माओवादीका नेता हितराज पाण्डेका अनुसार बैठकले प्रधानमन्त्री प्रचण्डले आफ्ना कुरा सदनमा राख्नेसमेत निर्णय गरेको छ । गठबन्धनको यो निर्णयले प्रचण्डलाई राहत र एमालेलाई आहात भएको छ ।
यसअघि बुधबार प्रमुख प्रतिपक्षी दल एमालेले प्रधानमन्त्री प्रचण्डले एक कार्यक्रममा बोलेको विषयलाई लिएर राजीनामा दिनुपर्ने भन्दै संसद् अवरुद्ध थियो ।
सरदार प्रितम सिंह आफूलाई प्रधानमन्त्री बनाउन पटकपटक नयाँदिल्ली गएको प्रचण्डले बताएका थिए । जुन अभिव्यक्तिले नेपालको सार्वभौम संसदको अपमान भएको भन्दै एमाले, राप्रपाले प्रधानमन्त्री प्रचण्डको राजीनामा माग गरेका हुन् ।
एमालेले बिहीबारको राष्ट्रिय सभा बैठक पनि अवरुद्ध बनाएको छ । प्रधानमन्त्रीको राजीनामा माग्दै एमाले सांसदले बैठक अवरुद्ध बनाएका हुन् ।
शुक्रबारका लागि बोलाइएको प्रतिनिधिसभा बैठकमा प्रधानमन्त्री प्रचण्डले आफूले बोलेको विषयमा जवाफ दिने बताइएको छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४