राजनीतिक बिशेष
प्रचण्डको सरकार ढाल्न नसकेको एमाले कोसीमा आफ्नो सरकार बचाउन हारगुहार गर्दै
प्रचण्डको सरकार ढाल्न नसकेको एमाले कोसीमा आफ्नो सरकार बचाउन हारगुहार गर्दै
काठमाडौं - बजेट फेल गराएर प्रचण्ड नेतृत्वको सरकार ढाल्न नसकेको प्रमुख प्रतिपक्षी दल एमाले आज कोसी प्रदेश सरकार टिकाउन हारगुहारमा लागेको छ ।
कोसीमा सरकार टिकाउन एमालेलाई एक मत आवश्यक पर्छ । जुन उसले उपेन्द्र यादव नेतृत्वको जसपाबाट पाउने आशा राखेको छ ।
कोसी प्रदेशसभाको तेस्रो अधिवेशन आजदेखि सुरु हुँदै छ । दिउँसो १ बजेका लागि डाकिएको बैठकमा मुख्यमन्त्री हिक्मतकुमार कार्कीले विश्वासको मतसम्बन्धी प्रस्ताव पेस गर्नेछन् ।
संसद्को पहिलो बैठकमा सरकारले ल्याएको बजेटसम्बन्धी अध्यादेश पेस गर्नुपर्ने संवैधानिक बाध्यता छ । गत पुस २५ गते माओवादी, जसपा, राप्रपासहितको समर्थनमा एमाले नेता कार्कीको नेतृत्वमा सरकार गठन भएको थियो ।
सरकारबाट १३ सांसद रहेको माओवादी र एक सांसद रहेको जसपा फिर्ता हुँदै मुख्यमन्त्री कार्कीलाई दिएको समर्थन फिर्ता लिएका छन् ।
जसकारण कार्की नेतृत्वको सरकार अल्पमतमा छ । मुख्यमन्त्री कार्कीलाई एमालेको ४० र राप्रपाको ६ सांसद गरी ४६ सांसदको मात्रै समर्थन छ ।
सरकार निर्माणका लागि बहुमत पुर्याउने ४७ सांसद आवश्यक हुन्छ । कार्की नेतृत्वको सरकार अल्पमत परेसँगै कांग्रेस, माओवादी, एकीकृत समाजवादी र जसपाले गठबन्धन गरेर अर्को सरकार गठनका लागि तीव्र पहल गरिरहेका छन् ।
तर विपक्षी मोर्चामा पनि सांसद पुग्दैनन् । सभामुखसहित विपक्षी गठबन्धनसँग ४७ मत छ । सभामुखले बराबरी मत भएमा मात्र हाल्न पाउँछन् ।
स्रोतका अनुसार सत्तापक्ष र विपक्षमा ४६–४६ मत पर्ने अवस्था आएमा सभामुख बाबुराम गौतमले मत हालेर नयाँ सरकार बनाउन सहयोग गर्ने भएका छन् ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४