काठमाडौं - एमालेका पूर्वउपाध्यक्ष भीम रावल विगत दुई वर्षदेखि पेण्डुलम बन्दै आएका छन् ।

एमालेको दशौं महाधिवेशन सकिएको झन्डै दुई वर्ष हुन लागिसक्यो । तर एमालेले भीम रावललाई अहिलेसम्म कुनै भूमिका र जिम्मेवारी दिएको छैन ।

केपी ओलीसँग अध्यक्षमा उम्मेदवारी दिएको रिसमा रावलको राजनीतिक करियर नै सिध्याउन लागिएको हो । आफूले चालीस वर्षदेखि राजनीति गरेको पार्टी भनेरै रावलले अहिलेसम्म अन्य पार्टीमा जाने, नयाँ पार्टी खोल्न चाहेका छैनन् ।

त्यसको फाइदा उठाउँदै एमाले नेतृत्वले रावललाई भूमिकाविहीन बनाउँदै आएको छ । रावललाई आफ्नो दलमा आउन एकीकृत समाजवादीका अध्यक्ष माधवकुमार नेपालले निकै आग्रह गरिरहेका छन् ।

रावलसँगै भूमिकाविहीन बनाइएपछि घनश्याम भुसाललाई माधवले पार्टीमा प्रवेश गराएर महासचिवको जिम्मेवारी दिइसकेका छन् ।

तर रावल भने यताउता भड्केर हिँडेका छन् । केही दिनअघि माओवादी, एकीकृत समाजवादी, जसपा, विप्लव नेकपा मिलेर समाजवादी मोर्चा गठन गरे ।

रावललाई मोर्चामा आउन निकै आग्रह गरिएको थियो । तर एमाले अध्यक्ष ओलीले रावललाई इन्गेज गराउन संवाद चलाएका थिए ।

जसरी वामदेव गौतमलाई इन्गेज गराएर मोर्चामा जान रोकिएको थियो, रावललाई पनि त्यसरी नै रोकिएको पाइएको छ । रावलले पटक–पटक अन्य पार्टीमा नजाने बताइरहे पनि एमाले नेतृत्व रावल एकीकृत समाजवादीमा जान्छन् भन्ने त्रासमा छ ।

त्यसैले उनलाई अनेक तरिकाले अल्झाउने रणनीति लिइएको एमाले स्रोत बताउँछ । नेकपाकाल र १० बुँदे सहमतिपछि पनि एमाले अध्यक्ष ओलीका क्रियाकलापको खरो आलोचना गर्दै आएका उनलाई लामो समयदेखि पार्टीको जिम्मेवारीभन्दा बाहिर राखिएको छ ।

ओली र रावलको भेट गराउने कुरा पनि थियो । तर ओलीले रावलसित भेट्न चासो नदेखाएपछि जिम्मेवारीमा फर्काउने प्रयास असफल छ ।

रावललाई समेट्नका लागि केन्द्रीय सदस्य तथा प्रतिनिधिसभा सदस्य दयालबहादुर शाही र केन्द्रीय पर्यटन विभागका सदस्य रमेश कुँवरले ओलीलाई पटकपटक भेटेको चर्चा पनि छ ।

रावललाई जिल्लाबाट एकल नाम सिफारिस हुँदा पनि अछाम १ को उम्मेदवार बन्नबाट ओलीले रोकेका थिए । यो बीचमा एमालेको सचिवालय बैठकले उपाध्यक्ष विष्णु पौडेलको संयोजकत्वमा उनीसँग कुरा गर्न वार्ता टोली बनाएको थियो ।

सुदूरपश्चिमेली नेताहरू लेखराज भट्ट र कर्ण थापासमेत सदस्य रहेको सो टोलीले रावलसित छलफल गरेको र जिम्मेवारी दिने प्रक्रिया थालिएकोसमेत भनिएको थियो ।

तर तीन महिना भइसक्दा पनि रावलसँग संवाद थालिएको छैन । जसकारण उनमा रहेको जोश जाँगर शिथिल हुँदै आएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

प्रचण्डसँग मिलेर केपी ओलीले दिए कडा निर्देशन, विरोध उत्रेका सांसद के गर्लान् ?