काठमाडौं - माओवादी अध्यक्ष पुष्पकमल दाहाल प्रचण्ड प्रधानमन्त्री छन् । गृह मन्त्रालयको चावी पनि उनकै दलसँग छ।

नारायणकाजी श्रेष्ठ गृहमन्त्री छन् । चुनावमा खिइँदै खिइँदै गएको माओवादीलाई जसरी पनि भोट बढाउनु छ ।

त्यही भएर अहिले सत्ताको प्रयोग गर्दै आफूविरोधीको ठेगान लगाउने अभियानमा प्रचण्ड र नारायणकाजी लागेका छन् ।

माओवादी शान्तिपूर्ण राजनीतिमा आएदेखि नै हो मिनबहादुर गुरुङको आर्थिक हैसियत बढेको छ । पूर्वप्रधानसेनापति छत्रबहादुर गुरुङका सम्धी मिनबहादुरले दश वर्षे कथित युद्धकालमा माओवादीले जम्मा गरेको पैसा चलाएको समाचार त्यतिबेला प्रकाशित भएका थिए ।

मिनबहादुरको हाइट बढाउनुमा प्रचण्डको भूमिका धेरै रहेको बताइन्छ । अहिले प्रचण्ड प्रधानमन्त्री भएकै बेला उनी पक्राउ पर्नुमा पहिलेकै हिसाबकिताब नमिलेको स्रोतले बतायो ।

मिनबहादुरलाई ललिता निवास जग्गा प्रकरणमा मंगलबार पक्राउ गरिएको हो । यसअघि पनि उनी पक्राउ परेका थिए । ललिता निवासको २९९ रोपनी ३ आना सरकारी जमिन हिनामिना प्रकरणमा मुछिएका गुरुङलाई यसअघि विशेष अदालतले धरौटीमा रिहा गरेको थियो ।

न्यायाधीशद्वय प्रेमबहादुर कार्की र अब्दुल अजिज मुसलमानको संयुक्त इजलासले गुरुङलाई २०७७ सालमा दुई करोड रुपैयाँ धरौटीमा रिहा गर्न आदेश दिएको थियो ।

अख्तियारले गुरुङसँग ५० करोड ४७ लाख रुपैयाँको बिगो मागदाबी गर्दै विशेष अदालतमा मुद्दा दायर गरेको थियो । मुद्दा दायर भएको एक वर्षपछि उनी अदालतमा उपस्थित भएका थिए ।

सरकारी जग्गा हडप्नकै लागि गुरुङले भूमाफियाहरुसँग सम्पर्क बढाएर ललितानिवासको जमिन सस्तोमा किनेका थिए । गुरुङले त्यसलाई प्लटिङ गरी व्यापारिक घरानासहित विभिन्न व्यक्तिलाई बेचेका थिए ।

भाटभटेनी सुपरमार्केटका सञ्चालक गुरुङलाई पक्राउ गरेको केन्द्रीय अनुसन्धान ब्युरो (सीआईबी)ले भूमि सुधार तथा व्यवस्था विभाग र मालपोत कार्यालय डिल्लीबजारमा बसिसकेका तत्कालीन कर्मचारीहरूलाई पनि मंगलबार नियन्त्रणमा लिएको छ ।

मालपोत कार्यालय, डिल्लीबजारका तत्कालीन प्रमुख कलाधर देउजा, कर्मचारी सुरेन्द्रमान कपाली, धर्मप्रसाद गौतम र हुपेन्द्रमणि केसीलाई काठमाडौंका विभिन्न ठाउँबाट पक्राउ गरिएको हो ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

प्रचण्ड नै पत्याएनन् केपी ओलीको नीति, तत्कालै यस्तो दिए प्रतिक्रिया

बालुवाटारमै केपी ओलीलाई ठूलो धक्का, सचिवालय बैठकमा प्रचण्डको अडानले तुहियो भित्रि योजना !