काठमाडौं - माओवादी, एकीकृत समाजवादी, जसपा र नेत्रविक्रम चन्द विप्लव नेतृत्वको नेकपा मिलेर समाजवादी मोर्चा गठन हुने भएको छ ।

आइतबार प्रधानमन्त्रीको सरकारी निवास बालुवटारमा बसेको चारदलीय बैठकले सोमबार मोर्चाको औपचारिक घोषणा गर्ने सहमति गरेको हो ।

बालुवाटार बैठकमा प्रधानमन्त्री पुष्पकमल दाहाल प्रचण्ड, एकीकृत समाजवादीका अध्यक्ष माधवकुमार नेपाल, जसपा अध्यक्ष उपेन्द्र महतो र नेकपाका महासचिव नेत्रविक्रम चन्द विप्लव उपस्थित थिए । सोमबार राष्ट्रिय सभा गृहमा समाजवादी मोर्चाको घोषणा हुने भएको छ । नेताहरूबीच भएको सहमतिअनुसार मोर्चाको नेतृत्व आलोपालो हुनेछ ।

तत्काललाई केन्द्रीय मोर्चा घोषणा गर्ने र आवश्यकताका आधारमा तल्लो तहसम्म संरचना बनाउने सहमति जुटेको छ । मोर्चा गठनको उद्देश्य नेपाली कांग्रेस र एमालेलाई तर्साउन रहेको केपी ओलीले शनिबार नै बताइसकेका छन् ।

आफ्नो पार्टीलाई २०८४ को निर्वाचनसम्म सत्ता बाहिर राख्ने प्रपञ्चअनुसार यो खेल खेलिएको उनको भनाइ छ । तर प्रधानमन्त्री प्रचण्डले कांग्रेसलाई दबाबमा राख्न मोर्चा बनाएको सबैको अनुमान छ ।

यदि अहिले कांग्रेसले समर्थन फिर्ता लिनेवित्तिकै प्रचण्डको सरकार सिधै ढल्छ । मोर्चा गठनलाई कांग्रेसले उचित मानेको छैन । यो विषयले चाँडै सत्तारुढ दलमा खटपट आउने भएको छ । अहिले नै आठदलीय गठबन्धन छ ।

तर गठबन्धन हुँदाहुँदै अर्को मोर्चा बनाउन खोज्नु भनेको प्रचण्डको राजनीतिक बेइमानी भएको कांग्रेस नेताहरू बताउँछन् । त्यसैले अब कांग्रेसलाई सरकारबाट बाहिर आउन दबाब बढ्ने निश्चित छ ।

• मोर्चामा नेपाल समाजवादी पार्टीका अध्यक्ष बाबुराम भट्टराईलाई भने सहभागी गराइएको छैन। जबकि मोर्चाका सूत्राधार बाबुराम नै हुन् । समाजवादी मोर्चा बने २७५ सदस्यीय प्रतिनिधिसभामा ५४ सिटसहित तेस्रो निर्णायक शक्ति निर्माण हुनेछ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

प्रचण्ड नै पत्याएनन् केपी ओलीको नीति, तत्कालै यस्तो दिए प्रतिक्रिया

बालुवाटारमै केपी ओलीलाई ठूलो धक्का, सचिवालय बैठकमा प्रचण्डको अडानले तुहियो भित्रि योजना !