राजनीतिक बिशेष
ओलीतिरै अनुसन्धानको ‘तिर’, चार सय नक्कली शरणार्थी अमेरिका छिरेको कसरी थाहा पाए ?
ओलीतिरै अनुसन्धानको ‘तिर’, चार सय नक्कली शरणार्थी अमेरिका छिरेको कसरी थाहा पाए ?
फाइल तस्बिर
काठमाडौं - नक्कली शरणार्थी प्रकरण सार्वजनिक भएदेखि एमाले अध्यक्ष केपी ओली बेचैन छन् ।
उनले हरेक दिन केही न केही अभिव्यक्ति सार्वजनिक गरिरहेका छन् । प्रधानमन्त्री पुष्पकमल दाहाल प्रचण्ड, गृहमन्त्री नारायणकाजी श्रेष्ठलाई समेत निरन्तर भेटिरहेका छन् ।
पार्टीका प्रभावशाली नेता बालकृष्ण खाँण समातिएकाले नेपाली कांग्रेसलाई धेरै चिन्ता हुनुपर्ने हो । तर कांग्रेस सभापति शेरबहादुर देउवाले अहिलेसम्म मुख खोलेका छैनन् ।
बिहीबार राति बसेको पदाधिकारी बैठकमा महामन्त्री गगन थापाले एमाले अध्यक्ष ओलीले बोल्ने बताएकाले सभापति देउवालाई पनि केही बोल्न आग्रह गरेका थिए ।
तर पनि देउवाले कुनै कुरा बोल्न मानिरहेका छैनन् । ओलीले भने जेठ ४ गते प्रतिनिधिसभामा डाटासहित बोल्छु भनेर घोषणा गरेका छन् ।
पार्टीका सचिव टोपबहादुर रायमाझीविरुद्ध प्रहरीले पक्राउ पुर्जी जारी गरेपछि र अख्तियारका प्रमुख आयुक्त प्रेमकुमार राई पनि अनुसन्धानको घेरामा परेपछि ओलीको सात्तो गएको देखिएको छ ।
त्यस्तै, आफू प्रधानमन्त्री हुँदा गृहमन्त्री रामबहादुर थापा बादलकै योजनामा नक्कली भुटानी शरणार्थी बनाएर अमेरिका लैजान समिति गठन गरेको र त्यहीबेला इन्द्रजित राईले पैसा उठाएको रहस्य खुलेपछि ओली अहिले बर्बराउन थालेका छन् ।
ओलीले कांग्रेस नेतृत्वको सरकार बनेपछि पैसा उठाउन थालिएको बताएका छन् । जबकि गिरोहका सदस्यले ओलीको सचिवालयमा रहेका सदस्यलाई पनि पैसा बुझाएको सार्वजनिक हुनु र ओलीले चार सयभन्दा बढी नक्कली भुटानी शरणार्थी अमेरिका गइसकेको बताउनुले यो घटनामा उनी पनि मुछिन सक्ने आकलन गरिएको छ ।
नत्र गृह प्रशासनलाई थाहा नभएको चार सय नक्कली शरणार्थी अमेरिका उडिसकेको ओलीले कसरी थाहा पाए ? आफू प्रधानमन्त्री हुँदा ओलीले किन त्यसबारे बोलेनन् ? गृहको समिति गठन र त्यसले तयार पारेको प्रतिवेदन सम्बन्धमा अख्तियारमा उजुरी पर्दा अख्तियारले किन तामेलीमा राख्यो ? भन्ने प्रश्न उब्जेको छ । अब नक्कली शरणार्थी प्रकरणमा ओलीमाथि पनि प्रहरीले छानबिन गर्नुपर्ने आवाज उठेको छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४