काठमाडौं - मंसिरको निर्वाचन, हालै सम्पन्न उपनिर्वाचन, भ्रातृंगठनको अपूर्णता, मन्त्री चयनलगायतका विषयले नेपाली कांग्रेसमा रडाको झन् झन् बढ्न थालेको छ ।

पार्टी सभापति शेरबहादुर देउवाको कार्यशैलीप्रति असन्तुष्टि जनाउँदै कांग्रेस महामन्त्रीद्वय गगन थापा र विश्वप्रकाश शर्माले पार्टीभित्रै संघर्ष थाल्ने संकेत गरेका छन् ।

पछिल्लो समय मन्त्री चयनमा देउवाले आफूहरूलाई बाइपास गरेपछि असन्तुष्ट महामन्त्रीद्वय थापा र शर्मा आन्तरिक तयारीमा लागेका हुन् ।

महामन्त्री थापाले त आइतबार यसबारे सार्वजनिक रूपमै घोषणा गरिसकेका छन् ।

अर्का महामन्त्री विश्वप्रकाश शर्माले समेत निरीह बनेर पदमा बस्नुभन्दा राजीनामा दिएर हिँड्ने चेतावनी दिइसकेका छन् ।

बुधबार कांग्रेस सभापति देउवा निवासमा बसेको बैठकमा शर्माले खुला चेतावनी दिएका हुन् ।

महामन्त्री शर्माले कांग्रेस रूपान्तरणका लागि सभापति तयार नभए राजीनामा दिएर कार्यकर्तास्तरबाट रूपान्तरणका लागि दबाब सिर्जना गर्नुको विकल्प नरहेको चेतावनी दिएका थिए ।

उनी सभापतिले आफूखुसी गर्दै जाने हो भने महामन्त्री भइरहनुको औचित्य नहुने भन्दै खरो रूपमा प्रस्तुत भएका थिए ।

‘पार्टी रूपान्तरणमा सभापतिज्यू तयार नहुने र सुस्त भइरहने हो भने कहिलेसम्म महामन्त्रीले अबजस लिइरहने रु त्यस्तै हो भने, म महामन्त्रीबाट राजीनामा दिन्छु, सांसद मात्रको भूमिकामा रहन्छु ।

त्यसवेला पार्टी रूपान्तरणका लागि कार्यकर्तास्तरबाट दबाब दिनुको विकल्प हुनेछैन । सभापतिज्यूले आफूअनुकूलको महामन्त्री बनाउनुस् । अब ‘रिफर्म अर रिजाइन नै हो,’ शर्माले भनेका थिए ।

पर्वतबाट समानुपातिकका उम्मेदवारसहित ४० जनाले कांग्रेस परित्याग गरिसकेका छन् । कांग्रेसमा सच्चिने कि सक्किने भन्ने बहस सुरु भइसकेको छ ।

तर सभापति देउवा परम्परागत ढंगमै चल्न थालेपछि परिस्थिति फरक देखिन थालेको छ ।

कांग्रेसले मंसिरको निर्वाचन गर्न समीक्षा बैठक बस्ने भनेको थियो ।

तर अहिलेसम्म समीक्षा बैठक बस्न सकेको छैन । महाधिवेशन सकिएको एक वर्षभित्रै नीति महाधिवेशन हुनुपर्ने विधानमा व्यवस्था छ । तर महाधिवेशन सकिएको पनि डेढ वर्ष भइसकेको छ ।

महामन्त्री थापा र शर्मा अहिले नीति महाधिवेशनको माग गरिरहेका छन् । तर देउवाले चाहिरहेका छैनन् । त्यसैले थापा र शर्मा आक्रोशित भएका हुन् ।

नीति महाधिवेशनको माग उठेपछि अहिले भ्रातृ संगठन र विभागलाई पूर्णता दिन लागिएको छ । नीति महाधिवेशनको फम्र्याट कस्तो हुन्छ ? टुंगो छैन ।

त्यसमा महाधिवेशन प्रतिनिधि सबै हुने कि, महासमिति सदस्यमात्रै  ? यसको टुंगो लागेको छैन ।

यदि सभापति देउवा पुरानै ढर्रामा चल्ने देखिए थापा र शर्मा जुनसुकै कदम उठाउन पनि तयार देखिएका छन् । त्यसका लाथि मनस्थिति पनि बनाइसकेका छन् ।

खासगरी पार्टीको तल्लो तह र शुभेच्छुकले कांग्रेसलाई पूरै सुधारको जरुरी भएको बताउन थालेका छन् ।

पार्टीका सबल र इमान्दार नेता कार्यकर्ता लाखापाखा लाग्न थालेपछि अहिले थापा र शर्मामाथि चुनौती पनि बढेको छ ।​

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

काठमाडौंका सडक र यातायात सुधार्न गगनका चार सुझाव, छक्क परे मन्त्री नेम्वाङ

अर्थमन्त्रीलाई गगन थापाको प्रश्न : विदेशबाट फर्किने युवाका लागि ठोस योजना खै ?

पूर्व स्वास्थ्यमन्त्री गगन थापाले कोरोना रोक्न स्वास्थ्य मन्त्री ढकाललाई दिए १६ बुँदे ‘आइडिया’

विश्व किर्तिमान गरेका मिङ्ग्मा शेर्पा सहितको टोलि कांग्रेसमा प्रवेश, डा. कोइरालाले गरे स्वागत

बालुवाटारमा तमसा भन्दै गगनले दिए नेकपालाई दनक, चौतर्फी हंगामा !

गगनको गर्जन : लाखौं कांग्रेसीको मन जित्न नसके सभापतिले राजिनामा दिनुपर्छ