राजनीतिक बिशेष
प्रचण्डलाई धोका दिने बादल र टोपबहादुरलाई किन बचाउन खोज्दैछन् ओली ?
प्रचण्डलाई धोका दिने बादल र टोपबहादुरलाई किन बचाउन खोज्दैछन् ओली ?
काठमाडौं - एमाले र माओवादी मिलेर बनेको नेकपामा केपी ओली निकै बलिया थिए ।
आफूहरूले राखेको माग सम्बोधन नगरेको भन्दै पुष्पकमल दाहाल प्रचण्ड, माधवकुमार नेपाललगायत प्लेकार्ड बोकेर माइतीघर मण्डलाको सडकमा बसेका थिए ।
तर, पूर्वमाओवादी नेताहरू रामबहादुर थापा बादल, टोपबहादुर रायमाझी, लेखराज भट्टलगायत ओलीसँगै सरकारमा थिए । सर्वोच्च अदालतले नेकपा खारेज गरेपछि बादल, रायमाझी, भट्टले प्रचण्डको साथ छाडे । ओलीसँगै एमालेमा गए ।
अहिले तिनै पूर्वमाओवादी नेताहरू ठगीकाण्डमा मुछिएका छन् । र, तिनलाई बचाउनुपर्ने आपत ओलीलाई आइपरेको छ । नक्कली शरणार्थी प्रकरणमा टोपबहादुर रायमाझीविरुद्ध पक्राउ पुर्जी जारी भएको छ ।
उनी हाल फरार छन् । उनका छोरा पक्राउ परिसकेका छन् । टोपबहादुर एमालेका सचिव हुन् । एमालेकै उपाध्यक्ष रामबहादुर थापा बादलका छोरा प्रतीक थापा फरार छन् । उनीविरुद्ध पक्राउ पुर्जी जारी गरेको छ ।
बादलकै श्रीमती नैनकला थापा पनि यो प्रकरणमा मुछिएकी छन् । बादल र टोपबहादुर रायमाझी प्रचण्डकै कारण नेता बनेका हुन् । यो हैसियत बनाउन प्रचण्डको ठूलो हात छ ।
बादल र टोपबहादुरले जति अवसर प्राप्त गरेका छन्, त्यो सबै माओवादी नेताको हैसियतमा हो । तर उनीहरूले तिनै प्रचण्डलाई धोका दिए । माओवादीमा बसेर सात पुस्तालाई पुग्ने कमाए ।
जब माओवादीमा बसेर कुस्त कमाए, अनि ओत लाग्न एमालेमा प्रवेश गरे । बादल र टोपबहादुरले कसी पैसा कमाएका रहेछन् भन्ने नक्कली शरणार्थी प्रकरणले पनि पुष्टि गरेको छ ।
बादल र टोपबहादुरले ओलीकै सरकारका पालामा ठगीधन्दा गरेको देखिएकाले पनि अहिले उनीहरूको बचाउँमा सिंगो एमाले लाग्नुपरेको छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४