सरकार अझै अपूर्ण, प्रचण्डमाथि लगातार कांग्रेस नेताहरूको क्षेप्यास्त्र
सरकार अझै अपूर्ण, प्रचण्डमाथि लगातार कांग्रेस नेताहरूको क्षेप्यास्त्र
काठमाडौं - प्रधानमन्त्री पुष्पकमल दाहाल प्रचण्डले अझै सरकारलाई पूर्णता दिन सकेका छैनन् ।
अझै पनि पाँच मन्त्रालय नेतृत्वविहीन छ । सत्तारुढ गठबन्धनमा नेपाली कांग्रेस, माओवादी, एकीकृत समाजवादी, जसपा, नागरिक उन्मुक्ति पार्टी सहभागी छन् । तर कांग्रेस र जसपाले पाएको मन्त्रालयमा अझै मन्त्री पठाउन सकेका छैनन् ।
जसपाले उपेन्द्र यादवका लागि भनेरै मन्त्रीमा अरुको नाम नपठाएको हो । तर कांग्रेसमा भने संस्थापन र इतर समूहको कलहका कारण मन्त्री बन्नेको टुंगो लागेको छैन ।
कांग्रेस सभापति शेरबहादुर देउवाले इतर समूहलाई तीन मन्त्री र एक राज्यमन्त्री दिएका छन् । तर इतर समूहका नेता डा.शेखर कोइराला र गगन थापाले मन्त्रीको नाम अझै टुंगो लगाउन नसक्दा मन्त्रिपरिषद् अपूर्ण नै रहेको हो ।
बरु इतर समूहका कांग्रेस नेताहरूले प्रधानमन्त्री प्रचण्डको कार्यशैलीको विरोध गरेका छन् । सरकारले अयोग्य लडाकुलाई दुई दुई लाख दिने निर्णय गरेपछि इतर समूहका नेताहरूले प्रधानमन्त्रीको विरोध गरेका हुन् ।
बिहीबार नेताहरू शेखर कोइराला र गगन थापाले तुरुन्त अयोग्य लडाकुलाई पैसा दिने निर्णय रोक्न माग गरेका थिए । शुक्रबार नेता प्रदीप पौडेलले सरकारको निर्णयको विरोध गरेका छन् ।
उनले संसदलाई समेत जानकारी नगराई भित्रभित्रै अयोग्य लडाकुलाई सहायता रकम दिन लागिएकोमा आपत्ति जनाएका छन् ।
उनले सामाजिक सञ्जालमा लेखेका छन्, ‘गत चैत ८ गते प्रधानमन्त्री स्वयंले अयोग्य लडाकुहरूलाई पैसा दिने निर्णय नभएको विषय सार्वजनिक भएको थियो ।
तर, संसद्लाई समेत जानकारी नगराई भित्र भित्रै आर्थिक सहायता दिने कार्यविधि बनाइएको सुन्न आएको छ । यसले सरकारको काम कारवाही अत्यन्तै अपारदर्शी भएको र यो आर्थिक संकटको समयमा पनि सरकारले प्राथमिकता छनोट गर्न नसकेको भन्ने प्रष्ट देखाउँछ । एकातिर, केही सूचकाङ्कमा मौसमी सहजता देखिए पनि आर्थिक संकट सुधार आइनसकेको विज्ञहरूले बताइरहेका छन् ।
अर्कोतिर, सरकारले वित्तीय व्यवस्थापन गर्न नसकेको, साधारण खर्च पनि धान्न नसकेर पेन्सन समेत दिन नसकेको विषय सार्वजनिक भइरहेका छन् ।
यस्तो विषम परिस्थितिमा समेत अनावश्यक निर्णय गर्ने, जनताका आवश्यकता छुट्याउन नसक्ने र आर्थिक समस्या समाधान गर्न दीर्घकालीन योजना बनाउन नसक्नुले सरकारको अक्षमताका संकेत देखाउन थालिसकेको छ ।
आमजनतामा बढेको निराशा र आक्रोशलाई संवेदनशील भएर गम्भीरताका साथ सम्बोधन गर्न सरकारलाई आग्रह गर्न चाहन्छु ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४