काठमाडौं - यसपटकको उपनिर्वाचनलाई पाँच वर्षपछि हुने आमनिर्वाचनको रिहर्सलका रूपमा पनि हेरिएको छ । यो उपनिर्वाचनमा एउटा पक्षबारे सबैजना आश्चर्यमा परेका छन्, त्यो हो एमाले अध्यक्ष केपी ओली कतै सार्वजनिक रूपमा नदेखिनु ।

पार्टी र भ्रातृसंगठनको भेला, गोष्ठीमा उपस्थित हुने ओलीको अनुहार उपचुनावमा कहीँकतै देखिएन । जबकि एमालेले बारा, चितवन र तनहुँ तीनवटै निर्वाचन क्षेत्रमा पार्टीका उम्मेदवार उठाएको छ । एमालेले बारा २ मा पुरुषोत्तम पौडेल, चितवन २ मा रामप्रसाद न्यौपाने र तनहुँ १ मा सर्वेन्द्र खनाललाई उम्मेदवार बनाएको छ ।

मंसिरको निर्वाचनमा एमालेले ओलीलाई चुनावी कमान्डर बनाएको थियो । ओली एकै दिन हेलिकोप्टर लिएर तीनवटा जिल्लासम्म पुगे । प्रायः सबै ठूला सहरमा चुनावी सभालाई सम्बोधन गरे । तर एमालेले कास्कीबाहेक ठूला सहरमा कतै जितेन । एक वर्षअघि ओलीले स्थानीय तहको निर्वाचनमा पनि सबै ठूला सहरमा भाषण गरेका थिए ।

एउटा पनि महानगरपालिका जित्न सकेन । ओली वान मेन शो थिए । एक्लै जान्थे । भाषण गर्थे फर्किन्थे । कसैलाई लैजाँदैनथे । तर यसपटक ओली बालकोटबाट बाहिर ननिस्किएपछि एमालेका पदाधिकारी ‘ग्रास रुट’ अभियानमै सीमित भए ।

बरु एमालेले ‘ग्रास रुट’ अभियानलाई मध्यावधिको तयारी भन्दै प्रचार थालेको छ । जबकि यो उपनिर्वाचनमा तीनवटै निर्वाचन क्षेत्रमा रास्वपाले क्लिन स्विप गरे वा बारामा जनमत पार्टीले जितेमा अर्को निर्वाचनमा ठूला दलको सान्दर्भिकता सकिने विश्लेषण हुन थालेको छ ।

चैत २० गते उम्मेदवारी दर्ता भएलगत्तै सबै दलले चुनाव प्रचारप्रसार थालेका थिए । उम्मेदवारहरू घरघर पुगेर मत माग्न थालेका हुन् । तर यो १५ दिनको अवधिमा ओलीले तीनवटै जिल्लामा पाइलै टेकेनन् । आखीर किन त ? एमालेकै नेता कार्यकर्ता पनि आश्चर्यमा परेका छन् ।

अहिले उनी बालकोटस्थित निवासमै आराम गरेर बसिरहेका छन् । पाँच दिनअघि झापा पुगेर फर्केका ओलीमा भाइरल ज्वरो देखिएपछि चिकित्सकले आराम गर्न सल्लाह दिएपछि ओलीको चितवन जाने कार्यक्रम रोकिएको थियो ।

त्यसपछि उनले सामाजिक सञ्जालबाटै पार्टीका उम्मेदवारलाई भोट मागेका थिए । निर्वाचन आयोगले बिहीबार मध्यरातिदेखि उपनिर्वाचनको प्रचारप्रसारमा रोक लगाएको छ । शुक्रबार बिहानदेखि ४८ घन्टे मौन अवधि सुरु हुनेछ ।

सोही कारण बारा २, चितवन २ र तनहुँ १ मा उम्मेदवारी दिएका र समर्थन गरेका दलका नेताहरू अन्तिम प्रचारप्रसारमा सक्रिय भएर लागेका छन् । कांग्रेसका प्रायः सबै ठूला नेता अहिले चितवन र तनहुँमा केन्द्रित भएका छन् । तर एमालेका योगेश भट्टराई र गोकुल बास्कोटाबाहेक कोही नेता उपनिर्वाचन हुने जिल्लामा पुगेनन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

प्रचण्डसँग मिलेर केपी ओलीले दिए कडा निर्देशन, विरोध उत्रेका सांसद के गर्लान् ?