काठमाडौं - कम्युनिस्ट शासन निरंकुश र स्वेच्छाचारी हुन्छ भन्ने कुरा उत्तर कोरिया नै काफी छ ।

जहाँ सर्वोच्च नेता किम जोङ उनको विरोध गरेमा फासी दिइन्छ । गोली हानेर जीवनलीला समाप्त पारिन्छ । नेपालमा लोकतान्त्रिक शासन व्यवस्था छ । तर यहाँ पनि मान्छेको वाक स्वतन्त्रतामाथि बन्देज लगाउन थालिएको छ ।

माओवादी अध्यक्ष पुष्पकमल दाहाल प्रचण्ड प्रधानमन्त्री छन् । गृहमन्त्री पनि उनी आफैंले चलाइरहेका छन् । तर प्रचण्डविरुद्ध नाराबाजी गरेको भन्दै प्रहरीले मंगलबार नयाँ बानेश्वरमा तीनजनालाई पक्राउ गरेको छ ।

प्रहरीले समात्नु आफैंमा ठूलो विषय होइन, तर अहिले नाराबाजी गरिरहेका तीनैजनाको प्रहरीले मुख थुनेको तस्बिर सामाजिक सञ्जाल र मिडियामा भाइरल बनेको छ ।

जसले देश विदेशमा प्रचण्ड सरकारको विरोध भइरहेको छ । लोकतन्त्रमा विरोध र समर्थन गर्ने अधिकारी हुन्छ । त्यसमाथि आफूलाई लागेको विषयमा बोल्न पाइन्छ ।

हिजो नेकपाकालमा प्रधानमन्त्री केपी ओली स्वेच्छाचारी ढंगले अघि बढेको भन्दै प्रचण्ड, माधवकुमार नेपाललगायत ‘हामी यहाँ छौं’ भन्ने प्लेकार्ड बोकेर माइतीघर मण्डलामा धर्नामा बसेका थिए ।

आज आर्थिक समस्याबाट पीडित भएकाको आवाज थुन्न प्रहरी प्रशासन किन लागिपरेको भन्दै सामाजिक सञ्जालमा प्रधानमन्त्री प्रचण्डको कडा आलोचना भएको छ ।

हरकोही व्यक्तिले आफ्ना धारणा सार्वजनिक गर्ने क्रम बढेको छ । राष्ट्रिय प्रजातन्त्र पार्टीका अध्यक्ष राजेन्द्र लिङ्देनले मान्छेको मुख थुन्नुपर्ने कस्तो दिन आयो भनेर प्रधानमन्त्री प्रचण्डलाई प्रश्न गरेका छन् ।

युवाहरूको सुरक्षाकर्मीहरूले मुख थुनेको तस्वीर सामाजिक सञ्जालमा राख्दै लिङ्देनले लेखेका छन्, ‘हामीले गणतन्त्र ल्यायौँ, संघीयता ल्यायौँ, धर्मनिरपेक्षता ल्यायौँ र त सबैले बोल्न पाएका छौँ भन्नुहुने कमरेड प्रचण्ड हेर्नुहोस् त हेर्दाहेर्दै मान्छेको मुख थुन्नुपर्ने कस्तो दिन आयो ? अन्यथा मुख थुनेर त के बन्दुकले पनि आवाजहरू थुनिन्नन्, जो तपाईं स्वयम्लाई सबैभन्दा राम्रो थाहा छ ।’ एउटा देशको कार्यकारी भएपछि नागरिकको समस्या सुन्न सक्ने क्षामता हुनुपर्छ ।

आज एउटा मुख थुनिएला, भोलि हजार हुन्छ्न्, पर्सि लाखौ करोडौं हुन्छन् । त्यसैले लोकतान्त्रिक शासकले जनताका आवाज धैर्यपूर्वक सुन्ने क्षमता राख्नुपर्छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

प्रचण्ड नै पत्याएनन् केपी ओलीको नीति, तत्कालै यस्तो दिए प्रतिक्रिया

बालुवाटारमै केपी ओलीलाई ठूलो धक्का, सचिवालय बैठकमा प्रचण्डको अडानले तुहियो भित्रि योजना !