धेरै दिनदेखि मौन गगन थापा खनिए ओली, रवि र लिङ्देनमाथि
धेरै दिनदेखि मौन गगन थापा खनिए ओली, रवि र लिङ्देनमाथि
काठमाडौं - नेपाली कांग्रेसका महामन्त्री गगन थापा लामो समयदेखि मौन थिए ।
पार्टीका भ्रातृदेखि भावी रणनीतिका लागि गुप्त बसेका थापा बुधबार सार्वजनिक कार्यक्रममा प्रकट भए । महामन्त्री थापाले राजधानीमा बुधबार आयोजित विचार गोष्ठीमा सत्तारुढ एमाले, रास्वपा र राजपाका शीर्ष नेताको कार्यशैलीको आलोचना गरे ।
खासगरी एमाले अध्यक्ष केपी ओली न्यायपालिकामाथि निर्मम ढंगले प्रस्तुत भएको भन्दै उनले असन्तुष्टि जनाए । थापाले एमाले नेतृत्वमाथि अदालतको निन्दा किन भनेर प्रश्न गरेका छन् ।
अदालतको फैसला चित्त नबुझ्न सक्ने र त्यो निर्णयको पक्ष र विपक्षमा बहस छलफल हुनसक्ने बताए । तर एमाले नेतृत्वले पछिल्लो समय संसद र सार्वजनिक मञ्चहरुबाट अदालतको निन्दा गर्न थालेको भन्दै उनले भने, ‘स्वतन्त्र न्यायपालिकाबारे एमाले नेतृत्वको मत के हो ? के अदालतले कार्यकारी वा राजनीतिक नेतृत्वको मनसाय बुझेर निर्णय गर्नुपर्ने हो ?’ ओलीले संसदमै सर्वोच्च अदालतको फैसलाको विरोध गरेका थिए ।
महामन्त्री थापाले राष्ट्रिय स्वतन्त्र पार्टी सरकारमा जानुको कारणबारे प्रश्न गरेका छन्। यस्तै उनले सरकारबाट बाहिरिए पनि समर्थन फिर्ता नगरेकोमा असन्तुष्टि जनाए । ‘पुराना नेताहरूलाई नो नट अगेन भन्ने राष्ट्रिय स्वतन्त्र पार्टी सरकारमा किन गएको ? सरकारमा किन गएको भनेर उसले स्पष्ट पार्नु नपर्ने ? सरकारको गएको दल फेरि किन बाहिर गएको ?’
सरकारबाट बाहिरिँदै प्रधानमन्त्रीको आलोचना गर्नुपर्नेमा रास्वपाका सभापति रवि लामिछानेले मिडियाविरुद्ध अभिव्यक्ति दिएको थापाको भनाइ छ। उनले भने, ‘सबैभन्दा बढी रिसाउनुपर्ने प्रधानमन्त्रीसँग होइन ?
अनि अहिले सरकार छोडदै गर्दा सरकारलाई दिएको समर्थन फिर्ता गर्नुपर्ने होइन ? कि राष्ट्रिय स्वतन्त्र पार्टीलाई चाहिँ प्रश्न सोध्नै नहुने हो ?’ महामन्त्री थापाले अरु भन्दा भिन्न छौं भनेर आएको राष्ट्रिय स्वतन्त्र पार्टीले धेरैले सोचेभन्दा धेरै मत पाएको र यसले आफूलाई सच्चिन दबाव दिएको बताए । महामन्त्री थापाले प्रदेश सरकारमा गएको विषयलाई लिएर राप्रपालाई पनि प्रश्न गरेका छन् ।
राजसंस्था फर्काउँछु भनेर जनतामा भोट मागेर आएको दलका सांसदहरुले यसबारे बोल्न नपाउने भन्ने आफूलाई नलागेको उनले बताए । तर प्रदेश खारेज गर्नुपर्छ राप्रपाका नेताहरु सभामुख र प्रदेश सरकारमा मन्त्री भएको भन्दै उनले भने, ‘प्रदेशमा ल्याएको कानुन पास गरौं प्रदेश बलियो हुन्छ । सभामुख भएर यो प्रदेशको संसद कसरी कमजोर बनाउने भनेर दिनरात सोच्नुपर्यो ।’
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४