राजनीतिक बिशेष
राष्ट्रिय मेलमिलाप दिवसकै बेला कांग्रेसमा विलाप
राष्ट्रिय मेलमिलाप दिवसकै बेला कांग्रेसमा विलाप
काठमाडौं - २०३३ सालमा आजकै दिन राष्ट्र र प्रजातन्त्रको रक्षाका लागि बीपी कोइराला, गणेशमान सिंह, खुमबहादुर खड्कालगायतका नेताहरू आफ्नो ज्यानको जोखिमको पर्वाह नगरी निर्वासनबाट स्वदेश फिर्ता भएका थिए ।
त्यही भएर पुस १६ गतेका दिनलाई कांग्रेसले राष्ट्रिय मेलमिलाप र एकताको दिवसका रुपमा मनाउँदै आएको छ । तर, राष्ट्रिय मेलमिलाप दिवसका दिन कांग्रेसमा भने विलाप चलेको छ ।
हातमा आइसकेको सत्ता पार्टी सभापति शेरबहादुर देउवा र उनी निकट नेताहरूकै अदूरदर्शी सोचका कारण गुमेपछि कांग्रेसमा अहिले विलापको सिजन चलिरहेको छ । राष्ट्रिय मेलमिलाप दिवसका दिन सधैं कांग्रेसले औपचारिक कार्यक्रम गर्दै आएको थियो ।
कांग्रेसका नेताहरूले बीपी कोइरालालगायतका नेताहरूको योगदान सम्झने गर्थे । यसले पार्टीमा एकताको भावना जागृत गर्ने गथ्र्यो । तर, यसपटक भने कांग्रेस नेताहरू आपसमै विभाजित भएका छन् ।
हातमा आइसकेको सत्ता गुमेपछि अहिले कांग्रेसका नेताहरू सार्वजनिक कार्यक्रममा देखिनसमेत छाडेका छन् । शनिबार बिहानैदेखि कांग्रेसका शीर्ष नेताहरूले सामाजिक सञ्जालमा राष्ट्रिय मेलमिलापको बारेमा चर्चा परिचर्चा गरे पनि आपसमा भेटेर कुराकानी गर्ने, छलफल गर्ने, संवादको पहल गर्न सकेका छैनन् ।
जसले गर्दा आमकांग्रेसीजन दुःखी देखिएका छन् । कतिसम्म भने सभापति देउवालाई प्रधानमन्त्री र राष्ट्रपति दुवै छाड्नु हुन्न भनेर सल्लाह दिने नेताहरू अहिले उनलाई भेट्नसमेत जान छाडेको बताइन्छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४