images

शनिवार, माघ २१ २०७९Feb 04 2023

Logo
images
images

अन्तर्घातकै कारण कांग्रेसले गुमायो १० सिट, कहाँ कहाँ के के भयो ?

अन्तर्घातकै कारण कांग्रेसले गुमायो १० सिट, कहाँ कहाँ के के भयो ?

  • मिडिया डबली
  • बुधवार, मंसिर १४ २०७९


  • अन्तर्घातकै कारण कांग्रेसले गुमायो १० सिट, कहाँ कहाँ के के भयो ?

    काठमाडौं - नेपाली कांग्रेसभित्र अन्तर्घात पुरानो रोग हो । त्यसैले पहिलेदेखि एउटा पहेली नै बनेको छ, कांग्रेसलाई अरुले होइन, आफैं हराउँछ ।

    यसपटकको निर्वाचनमा पनि त्यस्तै देखियो । सत्तागठबन्धन हुँदा पनि यसपटक कांग्रेसले सोच्दै नसोचेको निर्वाचन क्षेत्र गुमाउन पुग्यो । कल्पना नै नगरिएका नेताहरुले हार्न पुगे । अघिल्लो निर्वाचनमा वाम तालमेल हुँदा पनि जितेको नौवटा सिट यसपटक कांग्रेसले गुमायो ।

    images
    images

    जसलाई लिएर कांग्रेसभित्र निकै ठूलो असन्तुष्टि उब्जिएको छ । काठमाडौं ६, मोरङ २, बारा १, रुपन्देही ५, कपिलवस्तु ३, पर्सा ३, सुनसरी ३ लगायतका निर्वाचन क्षेत्र जहाँ पहिले कांग्रेसले एक्लै चुनाव जितेको थियो ।

    यी क्षेत्रमा कांग्रेसले अहिले चुनाव हारेको छ । जबकि माओवादी र एकीकृत समाजवादीको साथ पाउँदा यी निर्वाचन क्षेत्रमा कांग्रेसले चुनाव जित्नै पर्ने थियो । तर कुनैमा थोरै र केहीमा धेरै मतान्तरले कांग्रेसले निर्वाचन हारेको छ । त्यसमाथि अन्तर्घातका कारण जित्नै पर्ने निर्वाचन क्षेत्र पनि कांग्रेसले गुमाएको छ ।

    जसमा काभ्रे २, मकवानपुर १, धनुषा ४, सर्लाही ४, पर्सा ३, पाँचथर, सोलुखुम्बु, मोरङ २, पर्वत र कास्की १ अन्तर्घातकै कारण कांग्रेसले निर्वाचन हारेको प्रस्ट देखिएको छ ।

    सोलुखुम्बुमा त पूर्वसभापति आङ्गेलु शेर्पाको टोलीले अन्तर्घात गरेको उजुरी पार्टी कार्यालयमा परेको छ । काभ्रे २ मा शिवप्रसाद हुमागाईलाई हराएर एमालेका गोकुल बास्कोटालाई जिताउन मधु आचार्य, महेश खरेलको समूह नै लागेको कांग्रेस कार्यकर्ता बताउँछन् ।

    मकवानपुर १ मा पनि कांग्रेसका केही कार्यकर्ता फ्रन्टलाइनमा नआउँदा महालक्ष्मी उपाध्याय डिनाले चुनाव हारिन् । धनुषा ४ मा महेन्द्र यादवलाई हराउन पूर्वराष्ट्रपति रामवरण यादवका पुत्र चन्द्रमोहन यादव र भतिजी किरण यादव लागेको चर्चा छ ।

    सोही कारण अहिले धनुषा ४ मा चन्द्रमोहन र किरणप्रति कांग्रेस नेता कार्यकर्ता रुष्ट भएका छन् । पर्सा ३ मा सुरेन्द्र चौधरीले जितिसकेको चुनाव हारे । उनले मात्र एक सय ५७ मतले चुनाव हारे ।

    संस्थापन इतर समूहले सहयोग नगर्दा थोरै मतान्तरले चौधरीले निर्वाचन हारेका हुन् । त्यस्तै, पर्वतका अर्जुनप्रसाद जोशीलाई नवराज गुरुङ समूहले चुनाव हराइदियो । जबकि पर्वतमा कांग्रेस सबैभन्दा बलियो छ । तर चुनाव एमालेका पदम गिरीले चुनाव जित्दै आएका छन् ।

    यदि यी १० सिटमा कांग्रेसले चुनाव जितेको भए ६५ सिटमा कांग्रेसले जितेर सबैभन्दा ठूलो पार्टी बन्ने थियो । सरकार बनाउन निकै सहज हुन्थ्यो । त्यो मौका कांग्रेसले गुमाएको छ । त्यसमा पनि एमाले ३५ सिटमा खुम्चिन बाध्य हुन्थ्यो ।

    मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

    शनिवार, बैशाख २७ २०७७०२:१६:१७
    ट्रेन्डिङ
    Logo
    • डबली नेटवर्क्स प्रा.लि, अनामनगर, काठमाडौँ

    • फोन नम्बर :९८०११२३३७१
    • [email protected]
    • वेबसाईट: www.mediadabali.com
    • सूचना विभाग दर्ता नं.::१८१/ ०७३ -०७४
    • प्रधान सम्पादक

    • कृष्ण प्रसाद पहाडी
    • सम्पादक

    • शोभाकान्त सापकोटा
    • साइट

    • बिनोद भट्टराई
    • क्यामरा पर्सन

    • सुनिल क्षेत्री
    • संवाददाताहरु

    • निर्मला पौडेल
    • अमृत चापागाई
    • अर्जुन पहाडी
    • खिमबहादुर गौतम
    • आकृति थापा क्षेत्री

    Copyright © All right reserved to Dabali Networks P. LTD. Site By: SobizTrend