काठमाडौं- नेपालका नेताहरू तथ्यांकमा कहिल्यै पनि विश्वास गर्दैनन्, तथ्यांकसहित बोल्दैनन् भन्ने कुरा फेरि एकपटक एमाले अध्यक्ष केपी ओलीले पुष्टि गरेका छन् । आगामी प्रतिनिधिसभा निर्वाचनमा एमालेले १६५ निर्वाचन क्षेत्रमध्ये जम्मा १४० निर्वाचन क्षेत्रमा मात्र उम्मेदवारी दिएको छ । पहिले १४३ निर्वाचन क्षेत्रमा उम्मेदवारी दिएको थियो । तर पछि नवलपरासी १, चितवन ३ र डडेल्धुरामा एमालेले आफ्नो उम्मेदवारी फिर्ता लिएको थियो । 

नवलपरासी १ मा एमालेले हृदयेश त्रिपाठी, चितवन ३ मा कांग्रेसका बागी दिनेश कोइराला र डडेल्धुरामा कांग्रेस सभापति शेरबहादुर देउवासँग प्रतिस्पर्धामा उत्रिएका कांग्रेस बिपीका कर्ण मल्ललाई सघाउने गरी एमालेले पार्टीको उम्मेदवारलाई फिर्ता बोलाएको थियो । यसरी एमालेले तीन सिट छाड्दा उसको १४० निर्वाचन क्षेत्रमा मात्र उम्मेदवारी कायम रहन्छ ।

तर, एमाले अध्यक्ष ओलीले एकल बहुमत ल्याउने गरी ‘मिसन १५०’ बनाएर एमाले निर्वाचनमा होमिएको दाबी गरेका छन् । आउने प्रतिनिधिसभा निर्वाचनमा एमालेले प्रत्यक्ष र समानुपातिकतर्फ एक सय ५० सिट ल्याउने उनको दाबी छ । बुधबार झापाको दमकमा भएको कार्यकर्ता भेलालाई सम्बोधन गर्दै ओलीले एमाले एक्लैले सरकार बनाउने बताए । ‘एमालेप्रति लहर बढ्यो । अब कुनै गठबन्धनको छेस्काछेस्कीले छेक्नेवाला छैन । प्रत्यक्षतर्फ सय सिटभन्दा तल ल्याउने ठाउँ छैन,’ ओलीले भने, ‘समानुपातिकमा कमसेकम ५० सिट ल्याउँछौँ । त्यसकारण अबको मिसन १५० ।’ उनले कांग्रेसको ९० सिट पनि नआउने जिकिर गरे । अघिल्लो निर्वाचनमा माओवादीसहितका कम्युनिस्ट पार्टी बोकेर हिँडेका ओलीले समानुपातिकमा ४१ सिट ल्याएका थिए । अहिले माओवादी सँगै छैन मात्र होइन, एमाले विभाजन भएर एकीकृत समाजवादीसमेत बनेको छ ।

उनले प्रत्यक्षमा राप्रपा र जसपासँग तालमेल भए पनि समानुपातिकमा एक मत पनि नचुहाउन कार्यकर्तालाई निर्देशन दिए । आउँदो निर्वाचनबाट राप्रपा राष्ट्रिय पार्टी बन्ने दाबी गरेका ओलीले एकीकृत समाजवादीलाई सिमलीको डाँक्लाको छेस्को भन्दै राष्ट्रिय पार्टी नबन्ने दाबी गरे । ‘राप्रपाले हामीसँग सहकार्य गर्यो । राप्रपा राष्ट्रिय पार्टी बन्छ । जसपा कायम रहन्छ । लोसपा राष्ट्रिय पार्टी बन्दैन । सिमलीको डाँक्लाको छेस्को (एकीकृत समाजवादी) राष्ट्रिय पार्टी बन्दैन । किनकि यसले एमालेसँग टक्कर गर्यो,’ ओलीले भने, ‘दुईवटा पार्टी राष्ट्रिय पार्टी बन्छ । अर्कोपल्टलाई पनि चाहिन्छ । उनीहरूलाई देश बिगारेको दण्ड दिनुपर्छ ।’

सत्तारुढ गठबन्धनविरुद्ध दायाँबायाँ राजावादी बोकेर हिँडेका ओलीले १५० सिट ल्याउने घोषणा गरेपछि सबै आश्चर्यमा परेका छन् । गत स्थानीय तहको निर्वाचनका बेला पनि ओलीले एमालेले दुई तिहाइ स्थानीय तह जित्ने दाबी गरेका थिए । तर, एमाले दुई सय स्थानमै रोकियो । अहिले ओली राप्रपा, राप्रपा नेपाल, हृदयेश त्रिपाठी, एकनाथ ढकाल, कर्ण मल्ल जस्ता प्रतिगमनकारी सोच भएका झुण्ड बोकेर चुनावमा होमिएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रधानमन्त्रीले ओलीले गरे दर्जनबढी गल्ती, उडाए संसदीय मर्यादाको धज्जी

छुवाछुतबारे ओलीको लामै उपदेश, तर रुकुम पश्चिम घटनाबारे वाक्य फुटेन

दोधारमा बामदेव, ओली गुटमा लाग्ने की प्रचण्ड गुटमा भन्ने विषयले पर्यो आपत

संसदीय दलमा समेत ओली अल्पमतमा, ११ सांसदको ठूलो पिर!

ओलीकै इच्छामा बनेको सल्लाहकारद्वारा विरोध, जनता सडकमा आएपछि पचाए लाज

ओली र प्रचण्डबीच बोलचाल नै बन्द, विष्णु पौडेलको सन्देशले काम गरेन !