काठमाडौं-आगामी मंसिर ४ गते हुने प्रदेश र प्रतिनिधिसभा निर्वाचनका उम्मेदवारहरूको अन्तिम सूची निर्वाचन आयोगले आज सार्वजनिक गर्दै छ । आयोगले २५ वर्षदेखि ९९ वर्षसम्मका उम्मेदवार यसपटक चुनावी मैदानमा उत्रिएको जानकारी दिएको छ । 

आयोगले तयार पारेको नामावलीको सूचीअनुसार प्रतिनिधिसभातर्फ उम्मेदवारी दिनेमा सबैभन्दा कम उमेर २५ वर्ष छ । यो उमेर समूहका २० जना उम्मेदवार छन् । तीमध्ये १५ जनाले स्वतन्त्र उम्मेदवारी दिएका छन् भने पाँचजनाले पार्टीका तर्फबाट उम्मेदवारी दर्ता गराएका छन् । 

प्रदेशतर्फ उम्मेदवारी दिने सबैभन्दा बढी उमेर पर्वतका बालकृष्ण पौडेलको छ । उनले पर्वत १ (ख) बाट उम्मेदवारी दर्ता गराएका छन् । पौडेलले राष्ट्रिय प्रजातन्त्र पार्टीबाट उम्मेदवारी दिएका हुन् ।

प्रदेशमा ८० वर्ष कटेका चारजना उम्मेदवार छन् । प्रदेशतर्फ २५ वर्ष उमेर समूहका ३२ उम्मेदवार छन् । जसमध्ये १६ जनाले स्वतन्त्र उम्मेदवारी दिएका छन् । आयोगका अनुसार प्रदेश सभातर्फ ३,२८९ र प्रतिनिधिसभामा २,४३६ उम्मेदवार छन् ।

आयोगका अनुसार सबैभन्दा बढी ९९ वर्षका गोरखा २ मा प्रतिनिधिसभा सदस्यका उम्मेदवार बनेका टीकादत्त पोखरेल छन् । उनले कांग्रेस (बिपी) बाट उम्मेदवारी दिएका हुन् । उनी राणा शासन फाल्न सेनाको जागिर छाडेर लागेका व्यक्ति हुन्।

गोरखा २ मा सत्तारुढ गठबन्धनले माओवादी अध्यक्ष पुष्पकमल दाहाल प्रचण्डलाई उम्मेदवार बनाएको छ । एमालेले अब्दुस मियाँलाई प्रचण्डविरुद्ध खडा गरेको छ । तर, यी दुवैलाई चुनौती दिन ९९ वर्षीय पोखरेल मैदानमा उत्रेका छन् । शताब्दी उमेर पुगेको व्यक्ति निर्वाचनमा उठ्नु, त्यो पनि प्रचण्ड जस्तो आफूलाई चतुर नेता ठान्नेलाई हाँक दिनु सामान्य होइन । पोखरेलको साहसलाई अहिले चारैतिर प्रशंसा भइरहेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

प्रचण्ड नै पत्याएनन् केपी ओलीको नीति, तत्कालै यस्तो दिए प्रतिक्रिया

बालुवाटारमै केपी ओलीलाई ठूलो धक्का, सचिवालय बैठकमा प्रचण्डको अडानले तुहियो भित्रि योजना !