काठमाडौं - काठमाडौंमा १० निर्वाचन क्षेत्र छन् । अघिल्लो आमनिर्वाचनमा वाम गठबन्धन हुँदा एमालेका ६ जनाले चुनाव जितेका थिए । ए

मालेले काठमाडौं २, ३, ५, ७, ८ र ९ मा चुनावमा जितेको थियो । माओवादी केन्द्रका उम्मेदवार कोही पनि विजयी भएनन् । वाम गठबन्धन हुँदा पनि नेपाली कांग्रेसका चारजनाले चुनाव जितेका थिए ।

सबै कम्युनिस्ट एक हुँदा पनि काठमाडौं १ मा प्रकाशमान सिंह, ४ मा गगन थापा, ६ मा भीमसेनदास प्रधान र १० मा राजन केसीले चुनाव जितेका थिए । यी चारवटै निर्वाचनमा अहिले पनि कांग्रेसले जित्ने निश्चित छ ।

तर, काठमाडौंमा १० हजार मत नभएको माओवादी अहिले तीन सिट चाहियो भन्दै घुर्की लगाएर बसेको छ । माओवादी केन्द्रका अध्यक्ष पुष्पकमल दाहाल प्रचण्डले काठमाडौं ३, ६ र ९ क्षेत्र आफूले पाउनुपर्ने भन्दै बार्गेनिङ गरिरहेका छन् ।

कतिसम्म भने काठमाडौं ३ कांग्रेस र एमालेको गढ हो । यहाँ दुवै पार्टीका बराबरी मतदाता छन् । तर, प्रचण्डले नेपाल विद्युत प्राधिकरणका कार्यकारी निर्देशक कुलमान घिसिङलाई मोहरा बनाएर चर्चामा ल्याएका छन् ।

मंगलबार बेलुकादेखि घिसिङलाई काठमाडौं ३ बाट माओवादीले उम्मेदवार उठाउने भनेर प्रचार गर्न थालिएको छ । नेपाल विद्युत प्राधिकरणमा धेरै परिवर्तन गरेर लोकप्रियता कमाएका घिसिङलाई उम्मेदवार बनाउन सके काठमाडौंमा गुमेको जनमत फर्किने झिनो आस प्रचण्डमा देखिन्छ ।

जबकि काठमाडौंबाट माओवादी संगठन करिब करिब पत्तासाफ भइसकेको छ । माओवादीले काठमाडौं १ बाट अनिल शर्मा, ३ बाट कुलमान घिसिङ, ६ बाट हिमाल शर्मा, ९ बाट हितमान शाक्यलाई उठाउने चर्चा छ ।

तर, गठबन्धन कार्यदलले भागबन्डा नलगाएकाले कुन कुन निर्वाचन क्षेत्र पाउने भन्ने निश्चित छैन । उता, एकीकृत समाजवादीले भने काठमाडौं २, ५ र ८ मा दाबी गरिरहेको छ ।

२ मा माधवकुमार नेपाल, ५ बाट सुदेश पराजुली र ८ बाट जीवनराम श्रेष्ठलाई उठाउने एकीकृत समाजवादीको तयारी छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

प्रचण्ड नै पत्याएनन् केपी ओलीको नीति, तत्कालै यस्तो दिए प्रतिक्रिया

बालुवाटारमै केपी ओलीलाई ठूलो धक्का, सचिवालय बैठकमा प्रचण्डको अडानले तुहियो भित्रि योजना !