काठमाडौं - महाधिवेशन सकिएको आठ महिनापछि नेपाली कांग्रेसका सभापति शेरबहादुर देउवा एकल निर्णयमा चल्न थालेका छन् ।

पार्टी पदाधिकारीमा युवाहरूको बहुमत भए पनि उनले कसैलाई पनि नसोधी निर्णय गरेको पाइएको छ । केही समयअघि देउवाले नेपाल किसान संघ र आदिवासी जनजाति संघको अध्यक्ष मनोनीत गरे ।

किसान संघमा गणेशप्रसाद तिमल्सिना र भूतपूर्व सैनिक संघमा ओमबहादुर पुनलाई अध्यक्ष बनाइयो । तर यस्तो महत्वपूर्ण निर्णय गर्दा सभापति देउवाले दुई महामन्त्री गगन थापा र विश्वप्रकाश शर्मालाई एकपटक पनि नसोधेको बुझिएको छ ।

कांग्रेस उच्च स्रोतका अनुसार देउवाले उपसभापति धनराज गुरुङलाई भने फोन गरेका थिए । उनले पार्टीको नीति तथा प्रशिक्षण विभाग प्रमुखमा उपसभापति पूर्णबहादुर खड्कालाई मनोनीत गर्न लागिएको जानकारी गराएका थिए ।

‘नीति तथा प्रशिक्षण विभागमा तिमीभन्दा वरिष्ठ उपसभापति पूर्णबहादुर खड्कालाई राख्दा के हुन्छ ?’ देउवाले सोधेपछि गुरुङले भने, ‘भइहाल्छ नि ।’ त्यसपछि देउवाले सँगसँगै नेपाल किसान सघ र आदिवासी जनजाति संघको अध्यक्ष पनि मनोनीत गरे ।

तिमल्सिाना पहिलेदेखि नै देउवा निकट हुन् । पुन भने उपसभापति खड्का निकट नेता हुन् । देउवाले आफूले निर्णय गरिसकेपछि मुख्यसचिव कृष्णप्रसाद पौडेललाई महामन्त्री थापालाई फोन गरेर जानकारी दिन निर्देशन दिए ।

सोहीअनुसार पौडेलले महामन्त्री थापालाई फोनबाट जानकारी दिए र विज्ञप्ति जारी गरे । तर, अर्का महामन्त्री शर्मालाई भने एकपटक पनि सोधिएन । न त जानकारी नै दिइयो ।

पार्टी सभापति देउवाले निर्णय गर्दा परामर्श नगरेपछि शर्मा एक साताका लागि अमेरिका भ्रमणमा गएका छन् । यही विषयलाई लिएर डा.शेखर कोइराला पक्षले हालै दुई दिने भेला आयोजना गरेको थियो । जसमा पार्टी सभापति देउवा स्वेच्छाचारी ढंगले अघि बढेको निष्कर्ष निकालिएको थियो ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

काठमाडौंका सडक र यातायात सुधार्न गगनका चार सुझाव, छक्क परे मन्त्री नेम्वाङ

अर्थमन्त्रीलाई गगन थापाको प्रश्न : विदेशबाट फर्किने युवाका लागि ठोस योजना खै ?

पूर्व स्वास्थ्यमन्त्री गगन थापाले कोरोना रोक्न स्वास्थ्य मन्त्री ढकाललाई दिए १६ बुँदे ‘आइडिया’

विश्व किर्तिमान गरेका मिङ्ग्मा शेर्पा सहितको टोलि कांग्रेसमा प्रवेश, डा. कोइरालाले गरे स्वागत

बालुवाटारमा तमसा भन्दै गगनले दिए नेकपालाई दनक, चौतर्फी हंगामा !

गगनको गर्जन : लाखौं कांग्रेसीको मन जित्न नसके सभापतिले राजिनामा दिनुपर्छ