काठमाडौं - नेपाली कांग्रेसको केन्द्रीय समिति बैठकमा चितवनका नेता टेकप्रसाद गुरुङले यसपटक भरतपुर महानगरपालिका माओवादी केन्द्रलाई नछाड्ने बताए ।

अघिल्लो निर्वाचनमा भरतपुर महानगर र संघीय सांसदमा माओवादी केन्द्रका अध्यक्ष पुष्पकमल दाहाल प्रचण्डलाई छाडेकाले यसपटक आफूले पाउनुपर्ने उनको भनाइ थियो ।

चितवनकै अर्का नेता दिनेश कोइरालाले पनि सोही धारणा सार्वजनिक गर्दै आएका छन् । तर, कांग्रेसले अहिलेसम्म केही बोलेको छैन।

केही दिनअघि माओवादी अध्यक्ष प्रचण्डले छोरी रेणुलाई मेयरमा दोहोर्‍याउन भन्दै भरतपुर महानगर माओवादीलाई दिने वातावरण बनाउन प्रधानमन्त्री शेरबहादुर देउवासँग प्रस्ताव गरेका थिए ।

प्रचण्डको यस्तो प्रस्तावपछि नै कांग्रेस चितवनमा हलचल सुरु भएको हो। त्यही भएर चितवनका कांग्रेस नेता कार्यकर्ताले यसपटक कुनै पनि हालतमा भरतपुर महानगर नछाड्ने केन्द्रलाई चुनौती दिएका हुन् ।

देउवाले चैत ६ गते बिहान चितवन कांग्रेसका सभापति राजेश्वर खनाललाई बालुवाटार निवासमै बोलाएर ‘भरतपुर प्रचण्डकी छोरीलाई दिनुपर्ने हुन सक्छ, त्यसका लागि सहयोग गर्नुपर्‍यो’ भनेका थिए ।

प्रचण्डले चैत १० गते चितवनमै खनाललाई भेटेर थप कुराकानी गरे । चुनावी तालमेलका लागि आफैंले अघि सारेको ‘मोडालिटी’ ले पनि भरतपुर महानगर माओवादीले पाउनुपर्ने प्रचण्डको तर्क छ ।

उनले स्थानीय तहको निर्वाचनमा जुन दलले जहाँ–जहाँ जितेका छन् त्यसलाई कायम राखेर एमालेले जितेका स्थानमा भागबन्डा गर्नुपर्ने ‘मोडालिटी’ अघि सारेका थिए ।

कांग्रेसमा शेखर कोइराला पक्ष भने स्थानीय तहमा केन्द्रबाटै तालमेल गर्न नहुने पक्षमा छ । चितवनमा कोइराला समूहकै बाहुल्य भएकाले स्थानीय तहका नेता तथा कार्यकर्ताको विश्वास नजिती निर्णय लिन देउवालाई अप्ठ्यारो छ ।

त्यही भएर माओवादीसँग चुनावी तालमेल हुने कि नहुने भन्ने अझै भन्न सकिने अवस्था छैन । आज बस्ने केन्द्रीय समिति बैठकले चुनावी तालमेलका विषयमा महत्वपूर्ण निर्णय लिन सक्ने बुझिएको छ ।

उम्मेदवारी दर्ता गराउने समय अब एक महिना पनि बाँकी नरहेकाले प्रचण्डले कांग्रेसमाथि दबाब बढाउँदै गएका छन् । तर, यसपटक कांग्रेसले पनि आफ्नो अडान परिवर्तन गरिसकेको छैन ।

महामन्त्री गगन थापाले कांग्रेसलाई सधैं हँसिया हथौडा चुनाव चिन्हमा भोट हाल्न लगाउन नहुने मत राखिसकेका छन् । यसले देशव्यापी सकारात्मक ऊर्जा प्रवाह भएको अनुमान गरिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

प्रचण्ड नै पत्याएनन् केपी ओलीको नीति, तत्कालै यस्तो दिए प्रतिक्रिया

बालुवाटारमै केपी ओलीलाई ठूलो धक्का, सचिवालय बैठकमा प्रचण्डको अडानले तुहियो भित्रि योजना !