काठमाडौं - अमेरिकी सहयोग परियोजना मिलेनियम च्यालेन्ज कर्पोरेसन (एमसिसी) को विषयले सत्तारुढ गठबन्धनको भविष्य नै संकटमा परेको छ ।

गठबन्धनमा एमसिसीबारे तीनथरी धारणा भएकाले पनि अवस्था पेचिलो बन्दै गएको छ । यसैलाई लिएर प्रमुख प्रतिपक्षी दल एमालेले खेल्ने राम्रै मौका पाएको छ ।

एमाले अध्यक्ष केपी ओली नेतृत्वको सरकार ढालेर नेपाली कांग्रेसका सभापति शेरबहादुर देउवा नेतृत्वमा सरकार बनाउन महत्वपूर्ण भूमिका निर्वाह गरेका माओवादी केन्द्रका अध्यक्ष पुष्पकमल दाहाल प्रचण्ड अहिले निकै तनावमा छन् ।

एमसिसी जस्ताको तस्तै पास गरौं भने पार्टीमै विद्रोह हुने, नगरौं भने गठबन्धन टुट्ने चिन्ताले उनी दुई दिनदेखि खुमलटार बाहिर निस्कन सकेका छैनन् ।

अरुबेला दिनहुँजसो प्रधानमन्त्री शेरबहादुर देउवालाई भेट्न जाने, फोन सम्पर्कमा रहने प्रचण्ड सोमबारदेखि बालुवाटार जान छाडेका छन् ।

प्रधानमन्त्री देउवाले एमसिसी जस्ताको तस्तै प्रतिनिधिसभाबाट पारित गर्न गठबन्धनमा प्रस्ताव गरेपछि प्रचण्ड बिच्किएका हुन् ।

देउवाको प्रस्तावमा प्रचण्ड र एकीकृत समाजवादीका अध्यक्ष माधवकुमार नेपालले १० दिनको समय माग गरेका छन् । प्रचण्ड र माधव केही बुँदा संशोधन गरेर मात्रै एमसिसी अनुमोदन गर्नुपर्ने अडानमा छन् ।

एमसिसी संसदबाट अनुमोदन गराउनकै निम्ति प्रधानमन्त्री देउवाले आफ्ना दुई दूतलाई सक्रिय बनाएका छन् । उनीहरू हुन् नेपाली कांग्रेसका उपसभापति पूर्णबहादुर खड्का र सञ्चारमन्त्री ज्ञानेन्द्रबहादुर कार्की ।

कार्की केही दिनदेखि देउवाको दूत बनेर प्रमुख प्रतिपक्षी दल एमाले अध्यक्ष ओली र माओवादी अध्यक्ष प्रचण्डसँग परामर्शमा व्यस्त छन् । कार्कीले सोमबार ओलीलाई बालकोट र मंगलबार प्रचण्डलाई खुमलटार पुगेर भेटवार्ता गरेका छन् ।

त्यस्तै, मंगलबार नै एमसिसीको विषयलाई लिएर कांग्रेस उपसभापति खड्काले प्रचण्डलाई उनकै निवास खुमलटारमा छलफल गरेका थिए । सम्भवतः आगामी साता एमसिसीबारे एउटा टुंगोमा पुग्ने नेताहरूको तयारी छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

प्रचण्ड नै पत्याएनन् केपी ओलीको नीति, तत्कालै यस्तो दिए प्रतिक्रिया

बालुवाटारमै केपी ओलीलाई ठूलो धक्का, सचिवालय बैठकमा प्रचण्डको अडानले तुहियो भित्रि योजना !