काठमाडौं - तत्कालीन प्रधानमन्त्री केपी ओलीले दुई–दुईपटक प्रतिनिधिसभा विघटन गरेपछि सर्वोच्च अदालतले त्यसलाई खारेज गरेपछि कांग्रेस नेतृत्वको सरकार बनेको हो ।

कांग्रेसका सभापति शेरबहादुर देउवालाई प्रधानमन्त्रीका रूपमा स्वीकार गरेका माओवादी केन्द्रका अध्यक्ष पुष्पकमल दाहाल प्रचण्ड र एकीकृत समाजवादीका अध्यक्ष माधवकुमार नेपाल अहिले फेरि संसद् विघटन गरेर संसदीय चुनावमा जानुपर्ने पक्षमा एकमत देखिएका छन् ।

विडम्बना यो छ कि हिजो ओलीले गरेको प्रतिनिधिसभा विघटन गर्दा त्यसविरुद्ध सडक आन्दोलन गर्ने र सर्वोच्च अदालतमा मुद्दा हाल्ने प्रचण्ड र माधव नै अहिले किन संसद् विघटन गरेर संसदीय चुनावमा जानुपर्ने एमालेको लाइनमा उभिए भन्ने बडो रहस्यमय छ ।

राजनीति सबैले देखेको र सोचेको जस्तो सिधा बाटोबाट हिँड्दैन भन्ने कुरालाई फेरि एकपटक पुष्टि गर्न प्रचण्ड, माधवहरू लागिपरेका छन् ।

आफ्नो पार्टीले कारबाही गरेका सांसदलाई सभामुख अग्निप्रसाद सापकोटाले जीवनदान दिएर एकीकृत समाजवादी पार्टी खोली त्यसकै सहयोगमा वर्तमान सरकार बनेको भन्दै एमालेले संसद् चल्न दिएको छैन ।

एमालेले संसद् अवरुद्ध गर्ने पहिला आफ्नै पार्टीको नाममा रहेको खराब रेकर्डलाई समेत उछिनिसकेको छ । पहिले एमालेले ५२ दिनसम्म संसद् अवरुछ गरेको थियो । अहिले तीन महिनाभन्दा बढी भइसकेको छ ।

आफ्नो पार्टी बलियो नै रहेको भन्ने एमालेमा भ्रम अझै छ । त्यसकै लागि ऊ चाँडै चुनाव होस् भन्ने चाहन्छ । माओवादी केन्द्रका अध्यक्ष प्रचण्डले पनि एमालेले संसद् अवरोध गरिरहेकाले बरु प्रतिनिधिसभाकै चुनावमा जाऔं भनेर प्रधानमन्त्री देउवासमक्ष प्रस्ताव गरिसकेका छन् ।

आज बस्ने सत्तारुढ पाँच दलको बैठकमा प्रचण्डले सोही प्रस्ताव राख्ने बुझिएको छ । तर यसपटक देउवाले बडो सुझबुझका साथ कुनै पनि निर्णय लिने बुझिएको छ ।

पार्टीका नेताहरूसँग छलफल र विचार विमर्श नगरी देउवा एक्लै अघि बढ्ने मनस्थितिमा छैनन् । किनभने देउवा विगतको आफ्नो खराब राजनीतिक करियर सच्याउने अभियानमा अघि बढेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

यी मन्त्रीलाई बेस्सरी हप्काउँदै माधव नेपालले भने, ‘तत्काल माफी मागिहाल्नुस्’