केपी ओलीसँग चुनाव हारेपछि भीम रावलले एमाले छाड्छन् ? सौराहमा कानेखुसी !
केपी ओलीसँग चुनाव हारेपछि भीम रावलले एमाले छाड्छन् ? सौराहमा कानेखुसी !
काठमाडौं – नेकपा एमालेको जारी १०औं महाधिवेशनमा अध्यक्ष पदमा केपी शर्मा ओली र भीम रावलबीच प्रतिस्पर्धा भइरहेको छ । एमालेभित्र ओलीको प्रभाव धेरै भएकाले रावल पराजित हुने पूर्वानुमान छ ।
रावल पराजित भएसँगै एमाले पार्टी छाडेर जानसक्ने आशंका पनि महाधिवेशनस्थल चितवनको सौराहमा देखिन्छ । कतिपय महाधिवेशन प्रतिनिधिले रावललाई भेटेर चुनाव हारेपनि पार्टी नछाड्न सुझाव दिन थालेका छन् ।
उपाध्यक्ष रावलको निकट सम्बन्ध माधवकुमार नेपालसँग थियो । तर नेपालले पार्टी विभाजन गरेर नेकपा एकीकृत समाजवादी पार्टी दर्ता गराउँदा रावल एमालेमै बसेका थिए । अब एमालेमा चुनाव हारेपछि रावल नेपालको पार्टी एकीकृत समाजवादीमा जानसक्ने आशंकाले सौराहमा कानेखुसी हुन थालेको छ ।
महाधिवेशनस्थलमा प्रतिनिधिसँग भोट माग्दै हिँडेका रावललाई प्रतिनिधिले पार्टी नछाड्न र एमालेमै बस्न सुझाव दिन थालेका छन्, भोट दिने कुरा प्रमुख बनेको नदेखिएको बताइन्छ ।
पार्टी छाड्ने आशंका गर्नेहरूलाई रावलले आफू पार्टी नछाड्ने र विधिपद्धति स्थापित गर्न लडिरहने जवाफ दिइरहेका छन् । अध्यक्ष लगायत पदमा राति ९ बजेदेखि चुनाव हुँदैछ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४