सबैलाई भागबण्डा पुर्याउन मध्यराति एमालेको यस्तो निर्णय !
सबैलाई भागबण्डा पुर्याउन मध्यराति एमालेको यस्तो निर्णय !
काठमाडौं – नेकपा एमालेले १०औं राष्ट्रिय महाधिवेशन उद्घाटन गरेर नेतृत्व चयनमा देखिएको जटिलता हल गर्न पदाधिकारीको संख्या बढाएर १९ जना पुर्याउने प्रस्ताव महाधिवेशनमा पेश गर्ने निर्णय गरेको छ ।
शुक्रबार मध्यराति सकिएको एमाले केन्द्रीय कमिटी बैठकले पदाधिकारीको संख्या थप गर्ने, केन्द्रीय सदस्यको संख्या २२५ बाट ३०१ पुर्याउने तथा पोलिटब्यूरो गठन गर्ने प्रस्ताव पारित भएको छ ।
पार्टी अध्यक्ष केपी शर्मा ओलीले पदाधिकारीको संख्या बढाउने प्रस्ताव केन्द्रीय कमिटीमा पेश गरेपछि सर्वसम्मतिले पारित भएको जनाइएको छ ।
शनिबार सुरू हुने महाधिवेशनको बन्दसत्रमा पदाधिकारी थप्ने प्रस्ताव पेश गरिने भएको छ । विधान संशोधनका लागि महासचिव ईश्वर पोखरेलले राखेको प्रस्ताव केन्द्रीय कमिटी बैठकबाट पारित गरिएको छ । अब एमालेको बन्दसत्रले पारित गरेपछि पदाधिकारी थप्ने प्रस्ताव लागू हुने भएको छ ।
पार्टी नेतृत्व चयनमा देखिएको जटिलता हल गर्न एमालेले पदाधिकारीको संख्या बढाएर १९ पुर्याउन प्रस्ताव गरेको छ । अब एमालेमा अध्यक्ष, १ वरिष्ठ उपाध्यक्ष, ७ उपाध्यक्ष, महासचिव, ३ उपमहासचिव र ७ सचिव रहने भएका छन् । यसअघि १ वरिष्ठ उपाध्यक्षसहित ४ उपाध्यक्ष रहने व्यवस्था रहेकोमा संख्या बढाएर ७ पुर्याउने तयारी भएको छ ।
उपमहासचिवको संख्या ३ पुर्याउन समेत प्रस्ताव गरिएको छ । यसअघि २ उपमहासचिव रहने व्यवस्था भएकोमा असोजमा सम्पन्न विधान महाधिवेशनले उपमहासचिवको संख्या १ जनामा सीमित गरेको थियो । विधान महाधिवेशनले गरेको व्यवस्था विपरीत एमालेमा पोलिटब्युरो बनाउने प्रस्ताव गरिएको हो ।
पार्टीमा ९९ सदस्यीय पोलिटब्युरो बनाउने तथा केन्द्रीय सदस्यको संख्या २२५ बाट बढाएर ३०१ बनाउन समेत प्रस्ताव भएको छ । .
एमालेको ४५ सदस्यीय स्थायी कमिटी बनाउन प्रस्ताव भएको छ । केन्द्रीय कमिटी बैठकलाई सम्बोधन गर्दै ओलीले दशौं महाधिवेशनलाई एकताको महाधिवेशन बनाउन र सबैलाई समेट्न पदाधिकारीको संख्या थप गर्नुपरेको जानकारी दिए ।
अध्यक्ष पदमा उम्मेदवारी दिने घोषणा गरेका उपाध्यक्ष भीम रावलले पदाधिकारीको संख्या थप गर्ने प्रस्तावमा कुनै प्रतिक्रिया जनाएनन् । यसअघि शुक्रबार राति सौराहामा पत्रकारहरुसँग कुरा गर्दै रावलले अध्यक्ष पदमै उम्मेदवारी दिने बताएका छन् ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४