एमालेकै बाटोमा हिँड्यो माओवादी ! प्रचण्डको यस्तो निर्देशन

मिडिया डबली

शुक्रवार, मंसिर ३ २०७८

4.0K

एमालेकै बाटोमा हिँड्यो माओवादी ! प्रचण्डको यस्तो निर्देशन

काठमाडौं – सत्तारुढ दल नेकपा माओवादी केन्द्र नेकपा एमालेकै बाटोमा हिँडेको छ ।

एमालेले सहमतिमै स्थानीय स्तरका अधिवेशन गरिसकेको बेला माओवादीले समेत सहमतिमै वडा अधिवेशनबाट नेतृत्व चयन गर्न निर्देशन दिएको छ ।

यसअघि एमाले अध्यक्ष केपी शर्मा ओलीले सहमतिको निर्देशन दिएका थिए भने माओवादी अध्यक्ष पुष्पकमल दाहाल ‘प्रचण्ड’ समेत सहमतिकै बाटोमा हिँडेका छन् । सत्तारुढ दल नेपाली कांग्रेसका अधिवेशनमा भने प्रायः निर्वाचन नै भइरहेको छ ।

माओवादीले भोलि शनिवार देशैभर वडा सम्मेलन गर्दैछ । वडा सम्मेलनको सम्पूर्ण तयारी पूरा भएको केन्द्रीय प्रवक्ता कृष्णबहादुर महराले बताएका छन् ।

माओवादी पार्टीलाई नयाँ शिराबाट निर्माण गर्न वडा सम्मेलन कोशेढुंगा सावित हुने माओवादीको दाबी छ । माओवादीले सम्मेलनका लागि ‘नयाँ क्रान्तिकारी विचार र नयाँ क्रान्तिकारी पार्टी निर्माण गरौं’ नारा बनाएको छ ।

माओवादीले सकेसम्म सहमतिमा वडा समिति चयन गर्न निर्देशन दिएको छ । सहमति नभई निर्वाचन नै हुने अवस्था आए पनि मर्यादित हुन पार्टीपंक्तिलाई माओवादीले निर्देशन दिएको छ ।

माओवादीले जारी गरेको विज्ञप्तिमा उल्लेख छ, ‘वडा सम्मेलनमा कुनै पनि विभाजित मनोविज्ञान एवं मानसिकता नराखी एकतावद्ध भएर सर्वहारा वर्गप्रति निष्ठावान, जनताप्रति उत्तरदायी र समाजवादी क्रान्तिको यात्रामा लाग्नसक्ने नयाँ एवं रूपान्तरित पार्टी निर्माणमा लाग्न आम जनसमुदायमा हार्दिक अपिल गर्दछ ।’

माओवादी केन्द्रले मंसिर ११ गते सबै पालिका र मंसिर २५ गते सातै प्रदेशमा नेतृत्व चयन गर्दैछ । पुस ११, १२ र १३ गते काठमाडौंमा राष्ट्रिय सम्मेलन गर्ने माओवादीको कार्यतालिका रहेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि