काठमाडौं – नेकपा माओवादी केन्द्रबाट हालसालै नेकपा एमालेमा प्रवेश गरेका लडाकु नेता बालकृष्ण ढुंगेलले पुराना एमालेलाई टक्कर दिन थालेका छन् ।

नेकपा एमालेको १०औं महाधिवेशनका लागि प्रतिनिधि छनोटका क्रममा ओखलढुंगाका पुराना एमालेलाई ढुंगेलले टक्कर दिएका हुन् ।

केन्द्रीय अध्यक्ष केपी शर्मा ओलीको संरक्षण पाएका ढुंगेलले ओखलढुंगा जिल्लामा छुट्टै गुट खडा गरेर राजनीतिलाई बलियो बनाएका छन् । ओली लगायत केन्द्रीय नेतृत्वले सहमतिमै महाधिवेशन प्रतिनिधि छान्न निर्देशन दिएपनि मंगलवार भएको एमाले जिल्ला सचिवालय बैठकमा सहभागी अधिकांश सदस्यहरुले निर्वाचनबाटै प्रतिनिधि छनोट गर्न दबाब दिएपछि तनाव बढेको हो ।

ओखलढुंगा एमालेभित्र २ गुटको टक्कर देखिएको छ । नेता बालकृष्ण ढुंगेलको नेतृत्वमा अम्बीर गुरुङ, नानीबाबु बुढाथोकी, उत्तम राई, तीर्थ सुवेदी, केदारबाबु बस्नेत, शकुन्तला राजभण्डारी लगायतको गुट र यज्ञराज सुनुवारको नेतृत्वमा किशोर अधिकारी, हर्कबोल राई, सीताराम गुरुङ, मणिराज राई लगायतको गुटबीच स्पष्ट टक्कर देखिएको छ । यी दुबै गुटले महाधिवेशनमा आफू पक्षबाट बढी प्रतिनिधि पठाउने प्रयास गरिरहेका छन् ।

माओवादी केन्द्रबाट एमालेमा आएका बालकृष्ण ढुंगेलको समूह अम्बीर गुरुङसँग मिलेपछि एमालेमा २ गुट खडा भएका छन् । ढुंगेल समूह महाधिवेशन प्रतिनिधि २ जना पाउनुपर्ने अडानमा रहेको छ । ढुंगेलले सुरेश थापा र तारा कार्कीलाई महाधिवेशन प्रतिनिधि बनाउन चाहेको स्रोतले जनाएको छ ।

प्रदेश सांसद समेत रहेका नेता गुरुङसँग संगठित सदस्यता र प्रतिनिधि छनोटको विषयमा अध्यक्ष मोहन श्रेष्ठको भनाभन नै भएको एमाले स्रोतले जनाएको छ ।

ओखलढुंगाबाट समावेशी समेत बढीमा ८ जना महाधिवेशन प्रतिनिधि छनोट हुनेछन् । जसका लागि कात्तिक २७ गतेको मिति तोकिएको छ । एमालेको १०औं महाधिवेशन १०–१२ मंसिरमा चितवनमा हुने तय भएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

प्रचण्डसँग मिलेर केपी ओलीले दिए कडा निर्देशन, विरोध उत्रेका सांसद के गर्लान् ?