आफूपछि एमालेको नेतृत्व राष्ट्रपति भण्डारीकी छोरीलाई सुम्पने ओलीको तयारी
आफूपछि एमालेको नेतृत्व राष्ट्रपति भण्डारीकी छोरीलाई सुम्पने ओलीको तयारी
काठमाडौँ - राष्ट्रपति विद्यादेवी भण्डारीमा अझै पनि सक्रिय राजनीतिको मोह देखिँदै आएको छ ।
एमालेमा देखिएको विवादमा भण्डारीले प्रत्यक्ष रूपमा हस्तक्षेप पनि गर्दै आएकी छन् । त्यसैले एमाले नेता कार्यकर्ता अध्यक्ष केपी ओलीपछि पार्टीको बागडोर भण्डारीको हातमा पुग्ने अनुमान बेलाबेलामा गर्ने गर्छन् ।
एमालेको विधान हेर्दा अझै पाँच वर्ष ओली नै पार्टी अध्यक्ष बन्नेछन् । ११औं महाधिवेशनमा अहिले ६७ वर्ष उमेरभन्दा माथिका सबै नेता रिटायर्ड हुनेछन् । आफू ७५ वर्ष पुगेपछि ओलीले कि त भण्डारी नभए उनकी जेठी छोरी उषाकिरण भण्डारीलाई नेतृत्वका लागि योग्य उम्मेदवार बनाउने रणनीति अख्तियार गरेको बुझिएको छ ।
एमालेका दिवंगत महासचिव मदन भण्डारीकी जेठी छोरी उषाकिरणलाई दशौं महाधिवेशनमा पदाधिकारी बनाउने भित्री तयारी भएको छ । उषाकिरण अखिल नेपाल महिला संघकी केन्द्रीय सदस्य हुन् ।
एमालेको राजनीतिमा प्रभाव बनाउँदै आएको मदन भण्डारी फाउन्डेसनकी अध्यक्ष उषाकिरणलाई ओलीले सचिव बनाउने तयारी स्रोतले बतायो । एमाले महाधिवेश मंसिर ९–१२ सम्म चितवनमा आयोजना हुँदैछ । यदि उषाकिरण पार्टी राजनीतिमा आएमा एमालेको विरासत मदन भण्डारी परिवारमा पुनः फर्कने निश्चित रहेको बताइन्छ ।
राष्ट्रपति भण्डारीकी कान्छी छोरी निशाकुसुमले नेपाली कांग्रेसकी पूर्वसांसद किरण यादवको छोरासँग विवाह गरेकाले उषाकिरणले नै भण्डारी परिवारबाट एमालेको राजनीतिमा भविष्यमा नेतृत्व लिने बुझिएको छ ।
एमाले नेतृत्वमा आउन खोजेका ईश्वर पोखरेल, सुवासचन्द्र नेम्वाङ, भीम रावल, अष्टलक्ष्मी शाक्य भने त्यतिकै रिटायर्ड हुने भएका छन् ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४